ئالدىنقى يازمامنى يوللاپ يوقاپ كەتكىلى بۈگۈن دەل 1 ئاي بوپتۇ، بۇ جەريادا بولۇپ ئۆتكەن ئىشلار، يەنى مەكتەپ ھاياتىمدىن بىردىنلا جەمىئەت ھاياتىغا قەدەم بېسىش، ئائىلىدىكى قىلسا-قىلسا تۈگىمەيدىغان ئەمما قىلمىسا بولمايدىغان ئىشلار ۋە خىزمەت ئىزدەش جەريانىدىكى تىڭرىقاشلار سەۋبىدىن تورغا چىقالمىدىم، بەلكىم يۇقۇردا ئېيتقانلىرىمنىڭ ھەممىسى «بانا»دۇر، راست گەپنى قىلسام ئۆيگە قايتقاندىن كېيىن تورغا چىققۇم كەلمەس بولۇپ قالغان ئىدى.

مەزكۇر «ئۇيغۇرچە CSS خاسلىق قوللانمىسى» نۇرقۇت تورىدىكى «ئاۋاتار» نىڭ بىر قوللۇق پىلانلاش ۋە تەييارلاش ئاستىدا مەيدانغا كەلگەن، ئالدى بىلەن ئاۋاتار بۇرادەرگە كەڭ css ئۆگىنىۋاتقان دوستلار نامىدىن رەھمەت ئېيتىمەن. ئاۋاتار مۇنداق دەيدۇ: CSS تىكى ئاساسلىق بەلگىلەش خاراكتېرلىك خاسلىقلارغا ئاساسەن تۈرگە ئايرىپ ئىنگىلىزچە نامى ۋە ئۇيغۇرچە چۈشەندۈرۈش شەكىلىدە جەدۋەللەشتۈرۈلدى.