شۋېيتسارىيە بانكىسى نېمىشقا داڭلىق?

شۋېيتسارىيە بانكىسى نېمىشقا داڭلىق؟

شۋېيتسارىيە بانكىسى نېمىشقا داڭلىق؟

ۋاقتى: 2015-10-09 ئاۋاتلىقى: 5021 قېتىم

يانفوندا كۆرۈش

شۋېيتسارىيە بانكىسى نېمىشقا شۇنچە داڭلىق؟

شۋېيتسارىيە بانكىسى ئەمەلىيەتتە شۋېيتسارىيە تەۋەسىدىكى نەچچە يۈزلىگەن بانكىلارنىڭ ئومومىي ئاتىلىشى.

شۋېيتسارىيە بانكىسى دۇنياغا داڭلىق بانكا بولۇشنىڭ تۆۋەندىكىدەك تۆت شەرتىنى ھازىرلىغان.

بىرىنچى، شىۋېيتسارىيە مەڭگۈلۈك بىتەرەپ دۆلەت بولۇش سۈپىتى بىلەن شۋېيتسارىيىنىڭ پۇل مۇئامىلە سىستېمىلىرى ھەر قانداق ئۇرۇشنىڭ تەھدىتىگە ئۇچرىمايدۇ.

ئىككىنچى، كۆپ قىسىم شۋېيتسارىيە بانكىلىرى بانكا خېرىدارلىرىدىن ھەقىقى كىملىك گۇۋاھنامىسى تەلەپ قىلمىغاچقا، خېرىدارلارنىڭ بايلىقىنى يوشۇرۇشىغا ئەپلىك.

ئۈچىنچى، ئۇزۇن يىللىق بانكا باشقۇرۇش تەجرىبىسى مۇكەممەل بولغان بانكا مۇلازىمەت سىستېمىسىنى شەكىللەندۈرگەن.

تۆتىنچى، دۇنيادىكى ئەڭ ئىلغار بولغان بىخەتەرلىك سىستېمىسى مۇتلەق مەخپىيەتلەكنى قوغدايدۇ.

شۋېيتسارىيىنىڭ پۇل مۇئامىلە سىستېمىسى ئىنتايىن تەرەققىي قىلغان بولۇپ، شىۋىتسارىيىدە 6000 دىن ئارتۇق بانكا بار. بانكا ئومۇمىي مەبلىغى 500 مىليارد ئامېرىكا دوللىرىدىن ئاشىدۇ. دۆلەت باج كىرىمىنىڭ %20 ى بانكىدىن كېلىدىغان بولۇپ، دۆلەت ئىقتىسادىدا مۇھىم ئورۇن تۇتىدۇ. شۋېيتسارىيىنىڭ يىللىق كىشى بېشىغا توغرا كېلىدىغان كىرىمى دۇنيادا 1- ئورۇندا تۇرىدىغان بولۇپ، ‹‹پۇل مۇئامىلە ئىمپىرىيەسى›› دېگەن نامىمۇ بار.

شۋېيتسارىيىنىڭ دۆلەت ئىگىلىكىدىكى بانكىسى شۋېيتسارىيە مەركىزىي بانكىسى.

شۋېيتسارىيە فىرانىكى دۇنيادىكى قىممىتى بىر قەدەر تۇراقلىق، ئىشەنچىلىك دەرىجىسى بىر قەدەر يوقىرى بولغان پۇللارنىڭ بىرى ھېسابلىنىدۇ. شىۋىتسارىيە خەلقئارا پۇل مۇئامىلە ساھەسىدە ئىنتايىن مۇھىم ئورۇن تۇتىدۇ. پۈتۈن يەر شارىدىكى شەخسىلەر بايلىقىنىڭ %75 تى شۋېيتسارىيىگە يىغىلغان، شۇنداقلا دۇنيا ئالتۇن سودا مەركەزلىرىنىڭ بىرى ھېسابلىنىدۇ. ياۋرۇپا ئىتتىپاقىغا كېرەكلىك بولغان ئالتۇننىڭ %30 نى شۋېيتسارىيە بازىرى تەمىنلەيدۇ. دۇنيا ئالتۇن سودىسىنىڭ %50 تىدىن كۆپرەكى شۋېيتسارىيە بانكىسى ئارقىلىق دۇنيانىڭ ھەر قايسى جايلىرىغا سېتىلىدۇ.

شۋېيتسارىيە دۇنيادىكى مۇھىم تاشقى پىرىۋوت مەركىزىنىڭ بىرى بولۇپ، مۇھىم بولغان خەلقئارا كاپىتال ئالمىشىش بېكىتى. كۈندىلىك تاشقى پېرېۋوت قىممىتى 124 مىليارد ئامېرىكا دوللىرىغا يېتىدۇ. مۇقىم بولغان سىياسىي ۋەزىيىتى، بىر قەدەر تۆۋەن بولغان ئوبوروت ئۆسۈم نىسبىتى، مۇكەممەل بولغان پۇل مۇئامىلە سىستېمىسى ۋە دۇنياغا داڭلىق بولغان بانكا مەخپىيەتلىكىنى ساقلاش تۈزۈمى خەلقئارا پۇل ئوبوروتىغا قارىتا غايەت زور جەلپ قىلىش كۈچىگە ئىگە قىلىپ، شۋېيتسارىيىنى ئەنگلىيە، ياپونىيە ۋە ئامېرىكىدىن قالسىلا 4-ئورۇندا تۇرىدىغان پۇل مۇئامىلە مەركىزىگە ئايلاندۇردى.

شۋېيتسارىيە بانكىسىنىڭ بانكا مەخپىيەتلىك قانۇنى ئىنتايىن قاتتىق بولۇپ، ئىلگىرى ياۋروپا ئىتتىپاقىدىكى بىر قىسىم دۆلەتلەر شۋېيتسارىيە بانكىسىدىن شۇ دۆلەت پۇقرالىرىنىڭ بانكا ھىساباتىنى تەمىنلەشنى تەلەپ قىلغان. ئەمما، شۋېيتسارىيە تەرەپنىڭ رەت قىلىشىغا ئۇچرىغان. بۇنىڭ بەدىلىگە شۋېيسارىيە ئاشۇ دۆلەتلەردە مەبلەغ سېلىشقا روخسەت قىلىنمىغان. شۇنداق ئېيتىشقا بولىدۇكى، شۋېيتسارىيە بانكىسىنىڭ بۈگۈنكى يۈكسەك ئىناۋىتى، ئىلگىرى تارتقان زىيانلىرىنىڭ بەدىلىگە كەلگەن.

مەنبەسى: جۇڭگو ئۇيغۇرچە رادىيو تورى

Tags: شۋېيتسارىيە بانكا پۇل ئىقتىساد دۆلەت

بايانات

بۇ كەمىنە توخنىياز ئىسمائىل نىدائىينىڭ يانبىلوگى بولۇپ، يانبىلوگدا ئېلان قىلىنغان بارلىق يازمىلارنى قېرىنداشلىرىمنىڭ بەھىرلىنىشىگە سۇندۇم. يانفون نومۇرۇم: 18999832214 ئۈندىدار نومۇرۇم: otyurak001 ئەگەر يانبىلوگىم ھەققىدە ھەر قانداق تېخنىكىلىق مەسىلە بايقالسا يانبىلوگ ئورگان ئۈندىدار سۇپىسى yanbilog غا ئەگىشىپ مەسىلە مەلۇم قىلسىڭىز بولىدۇ!

تەلەي قاپىقىدىن چىققان يازمىلار

باھالار: ئىسمىڭىز:

باھالار رېتى