مۇھەببەت

              ھەققىدە

                            ئىگىز-پەس

                                            گەپلەر

مۇھەببەت نەزىرىيىسى

Aبولسا Bنى ياخشى كۆرىدۇ ، Bنىڭ ئارتۇقچىلىقى ئۇنى ئۆزىگە مەپتۇن قىلغان.ئوخشاشلا Bنىڭ بەزى ئاجىزلىقلىرى ئۇنىڭ ياخشى كۆڭلىنى سوۋۇتىدۇ . ئەگەر Bدىكى بارلىق ئارتۇقچىلىقلار تېپىلىدىغان ، B دىكى كەمچىللىكلەر بولمىغان C پەيدا بولدى ۋە C نى A غا مەپتۇن بولدى دەپ قىياس قىلساق ، ئېنىقكى ، Aچوقۇم C نى تاللايدۇ . شۇڭا نەزىرىيە جەھەتتىن ئېيىتقاندا ، مۇھەببەت ئىشەنچىلىك ئەمەس .

يىگىتلەر قىزلارغا ئېنتىلگەندە ، قىزلارغا گۈل سوۋغا قىلىشىدۇ ، قىزلارنى كىنۇغا ئاپىرىشىدۇ ، مىھمان قىلىدۇ ، كۆڭۈل ئېچىش سورۇنلىرىغا ئاپىرىپ كۆڭلىنى ئاچىدۇ . ئۇلارنىڭ مۇھەببىتى رومانتىك تۈس ئالىدۇ . ھېيىت-بايرام ، تۇغۇلغان كۈنلىرىدە بىر- بىرىگە سوۋغا قىلىشىدۇ . مانا بۇلارنىڭ ھەممىسىگە پۇل كېتىدۇ ، مۇھەببەتلەشمىسە بۇ چىقىملاردىن خالىي بولغىلى بولىدۇ . شۇڭا نەزىرىيە جەھەتتىن ئېيىتقاندا ، مۇھەببەتكە كۆپ پۇل خەجلەشكە توغرا كېلىدۇ .

كىشلەر مۇھەببەتكە ئىرىشكەندە قاتتىق خۇشال بولىشىدۇ ، مۇھەببەتتىن مەھرۇم بولغاندا قاتتىق ھەسرەت چىكىدۇ . يىقىنچىلىق قىلغاندا قاتتىق ھاياجانلىنىدۇ ، ئۇرۇشۇپ قالغاندا قاتتىق غەزەپلىنىدۇ ، يەنە دەردىنى ھاراقتىن چىقىرىدىغان ، ئاش-تاماقتىن قالىدىغان قارشىلىق كۆرسىسىتش ھەرىكەتلىرىدە بولىدۇ . دېمەك ، مۇھەببەتلەشكەنلەرنىڭ خۇي-مىجەزى تۇراقسىز بولىدۇ . شۇڭا نەزىرىيە جەھەتتىن ئېيىتقاندا ، مۇھەببەت سالامەتلىككە زىيانلىق .

مۇھەببەت روھنىڭ مەھسۇلاتى . روھ ماددى نەرسە ئەمەس ، شۇنداقلا ئۇ باشقا نەرسىلەر بىلەن بىرىكىپ ، يىڭى ماددى مەھسۇلات  بولالمايدۇ  . شۇڭا نەزىرىيە جەھەتتىن ئېيىتقاندا ، مۇھەببەت ماددى مەھسۇلات يارىتالمايدۇ .

يۇقارقىلاردىن كۆرىۋىلىشقا بولىدۇكى ، مۇھەببەتنىڭ پايدىسىدىن زېيىنى كۆپ ، پايدا-زېيان نوقتىسىدىن قارىغاندا ، نۇرمال ئادەم مۇھەببەتنى تاللىمايدۇ ، شۇ مەنىدىن ئېيىتقاندا ، ئەنئەنىدىن ، ئۆرپ-ئادەتتىن خالىي جەمئىيەتتە مۇھەببەت بولمايدۇ . شۇڭلاشقا ، ھەقىقىي مۇھەببەتلەشكەنلەرنىڭ ھەممىسى ئەقلىدىن ئاداشقانلار .....