جاھان ئاگېنتلىقى 3-مارت خەۋىرى؛ لەگلەك تورى تەرجىمىسى: لىۋىيەنىڭ توپرۇك رايۇنىدىكى ۋەكىللەر مەجلىسى، سابىق گېنىرال خەلىفە ھافتەرنىڭ باش شىتاب باشلىقلىقىغا سايلىنىش قارارىنى ماقۇللىدى.
لىۋىيە ئاساسى قانۇن مەھكىمىسىنىڭ قارارى بىلەن بىكار قىلىنغان توپرۇك ۋەكىللەر مەجلىسى، مەجلىس باشلىقى ئاگۇلا سالىھنڭ تەكلىپى بىلەن ھەربىي ئۆزگىرىشكە ئۇرۇنغان دەپ ئەيىبلەنگەن گېنىرال خەلىفە ھافتەرنىڭ قايتىدىن باش شىتاب باشلىقى بولۇش قارارىنى ماقۇللىدى. سالىھ ھافتەرنىڭ توپرۇكتىكى ۋەكىللەرمەجلىسىدە يېڭى ۋەزىپىسىگە ئولتۇرۇش ئۈچۈن قەسەم بېرىدىغانلىقى تىلغا ئېلىندى.
2011-يىلى 17-فېۋرال ئىنقىلابىدىن كېيىن سىياسى مۇقىمسىزلىق يۈز بېرىۋاتقان لىۋىيەدە، 2014 تە پىنسىيەگە چىققان گېنىرال خەلىفە ھافتەرنىڭ «زىنتان»غا مەركەزلەشكەن قۇراللىق گۇرۇپپىلار بىلەن باشلىغان ھەربىي ئۆزگىرىش ھەرىكتى، ترابلۇس ۋە مىستراتادىكى ئىنقلابچى گۇرۇپپىلار بىلەن بىرگە ھەرىكەت قىلىۋاتقان ترابلۇس ھۆكۈمىتى تەرىپىدىن چەكلەنگەن ئىدى.
پىنسىيەگە چىققان گېنىرال ھافتەر ئۆتكەن بىر قانچە ئايدا لىۋىيە ئۆتكۈنچى ھۆكۈمىتى بولغان مىللىي قۇرۇلتاي تەرەپدارى بىنغازىدىكى ئىنقلابچىلار قۇرۇلتىيىگە تەۋە قۇراللىق گۇرۇپپىلارغا قارشى «غۇرۇر كۈرىشى» نامىدا ھەرىكەت باشلىغان ئىدى.

لىۋىيەدە 25-ئىيۇن ئۆتكۈزۈلگەن سايلامدىن كېيىن لىۋىيە سىياسى سەھنىسىدە زور ئۆزگىرىشلەر بولدى ۋە دۆلەتتە ئىككى ئارمىيە، ئىككى پارلامېنت ۋە ئىككى ھۆكۈمەت پەيدا بولدى.
قازافى ئاغدۇرۇلغاندىن كېيىن لىۋىيەدە ئارمىيە قانۇنىدا ھەربىي تۈزۈم قالمىدى. ۋە مەيداندا ھەر خىل سىياسى جاسۇسلىرى ۋە مۇستەقىل قۇراللىقلىرى بار بولغان كۈچلەر ھاكىم بولۇشقا باشلىدى. ماي ئېيىدا پىنسىيەگە چىققان گېنىرال ھافتەر، لىۋىيەدىكى ئىسلام كۈچلىرىگە قارشى ھەرىكەت باشلىدى، ئىسلام كۈچلىرى بىرلىشىپ «فەجرى لىۋىيە» نامىدا بىر گۇرۇپپا قۇرۇپ قارشىلىق بىلدۈردى، شۇنىڭ بىلەن لىۋىيەدىكى ئىككى قارشى قۇراللىق گۇرۇپپا پەيدا بولۇپ تۇقۇنۇشلىرى داۋام قىلماقتا.
ئىيۇن ئېيىدىكى پارلامېنت سايلىمىدا لىبىرال ئېقىم غالىب كەلدى، يېڭى پارلامېنت لىۋىيە ۋەكىللەر مەجلىسىنىڭ ئورنىغا چىقتى.
لىۋىيەدە ئىچكى ئۇرۇشنى ئاخىرلاشتۇرۇش ئۈچۈن بىر قانچە ئۇرۇنۇشلار بولدى، يېقىندا دىكابىر ئېيىدا لىۋىيەدە ئۇزۇندىن بۇيان داۋاملىشىۋاتقان ئىچكى مۇقىمسىزلىققا ھەل قىلىش چارىسى تېپىش ئۈچۈن ئۆتكۈزۈلگەن «5 لىۋىيە قوشنا ئەللىرى» تاشقى ئىشلار مىنىستىرلىرى يىغىنى، مىسىر، سۇدان، ئالجىرىيە، تۇنىس ، چاد ۋە نىگىرىيە قاتارلىقلارنىڭ قاتنىشىشى بىلەن سۇدان پايتەختى خارتۇمدا ئۆتكۈزۈلدى. يىغىنغا قاتناشقان دۆلەتلەر كىرزىسنىڭ ھەل قىلىنىشى ئۈچۈن قىسقا مەزگىلدە خەلقئارانىڭ قوللىشى بىلەن سۆھبەت ئۆتكۈزۈشنى، لىۋىيەدە قۇرال يەتكۈزۈلىشىگە قارشى تەدبىر ئېلىش ھەققىدە بىردەكلىككە كەلدى.