خەلىق ئىشلىرى مىنىستىرلىكىنىڭ مىكرو بلوگىدىكى خەۋەردە «مۇز سۈيى بەسلىشىشى» قىزىقارلىق، ئاددىي ئۇسۇللار ئارقىلىق ئاز ئۇچرايدىغان كېسەللىككە گىرىپتار بولغانلارغا كۆڭۈل بۆلۈش ۋە ئالاقىدار كېسەللىكلەرگە دائىر بىلىملەرنى تەشۋىق قىلىش مەقسەت قىلىنىپ، ھەر ساھەدىكى تەسىر كۈچى بار زاتلار قاتناشتۇرۇلسا ياخشى ئۈنۈم ياراتقىلى بولىدىغانلىقى قەيت قىلىنغان. لېكىن ھازىر جەمئىيەتتە كۆڭۈل بۆلۈش قىزغىنلىقىنىڭ ئېشىشىغا ئەگىشىپ، پائالىيەت ئۇيۇشتۇرغۇچىلار ئەمەلىي ئۈنۈمگە ئەھمىيەت بېرىپ، كۆڭۈل ئاچىدىغان ئويۇنغا، سودىغا ئايلاندۇرۇۋېلىشتىن ساقلىنىشى لازىملىقىمۇ قەيت قىلىنغان.