ئايال سەنئەتكار-كۇڭ لىڭ نۆلدىن تۆۋەن 37 سېلىتسىيە گىرادۇسلۇق تۆۋەن تېمپىراتۇرىدا، ئۈستىگە ئەسكى-تۈسكى تۆمۈر ئۇۋاقلىرى ۋە كونا كىگىز رەختتىن تىكىلگەن 200 جىڭ ئېغىرلىقتىكى توي كۆينىكىنى كىيىپ پار پويىزىغا ياتلىق بولدى. كۇڭ لىڭ 2016-يىلى 1-ئاينىڭ 25-كۈنى ئەتىگەن سائەت 10 دا قەھرىتان قار-مۇزلۇق ھاۋارايىدا پار پويىزى سېخىغا قاراپ يولغا چىققان ھەم كىچىك تىپتىكى پار پويىزىغا ياتلىق بولغان.

     <تۆمۈر ئۇۋاقلىرى كېلىنچىكى> بولسا كۇڭ لىڭ ئىجاد قىلغان يۈرۈشلۈك كېلىنچەك ئەسەرلىرىنىڭ بىرى بولۇپ، بۇ توي كۆينىكى تۆمۈر ئۇۋىقى ۋە برېزېنت ياپقۇچ قاتارلىقلاردىن پايدىلىنىپ ياسالغان، بۇ خىل توي كۆينىكى ئىنسانلارنىڭ تەبىئەتكە قايتىشى ۋە ئېكولوگىيىنى قوغداشتەك ئەسەر ئىدىيىسىنى ئىپادىلەيدىغان بولۇپ، شۇ ئارقىلىق كىشىلەرنى ئورتاق تىرىشچانلىق كۆرسىتىپ ئورمانلارنى شۇنداقلا ياپيېشىل تاغ-دەريا ۋە كۆپكۈك سۇلارنى قوغداشقا مۇراجىئەت قىلغان، ئۇنىڭ بۇ ئەسىرى كىشىنى چوڭقۇر ئويغا سېلىپ ھەممەيلەننى ئورتاق قاراشقا ئىگە قىلىدۇ.

     كۇڭ لىڭ ئىجادىيەت مەيدانىغا كەلگەندىن كېيىن باشقىلار ئۇنىڭغا ياردەملىشىپ توي كۆينىكىنى رەتلىشىپ بەرمەكتە، چۈنكى بۇ توي كۆينىكىنىڭ ئېغىرلىقى 200 جىڭ كېلىدىغان بولغاچقا، چوقۇم باشقىلارنىڭ ماسلىشىپ ياردەملىشىشىگە توغرا كېلەتتى.