جاھان ئاگېنتلىقى 5-ماي خەۋىرى؛ لەگلەك تورى تەرجىمىسى: بىرلەشكەن دۆلەتلەر تەشكىلاتىنىڭ سۇرىيەدىكى ھۆكۈمەت ۋە ئۆكتىچىلەر بىلەن ئايرىم-ئايرىم يۈرگۈزىدىغان ئۇچرىشىش يىغىنى بۈگۈن شىۋىتسارىيەنىڭ جەنۋە شەھىرىدە باشلىنىدۇ. ئۇچرىشىش 5-6 ھەپتە داۋاملىشىشى مۇمكىن. ب د ت جەنۋەدىكى مۇزاكىرەلەرنىڭ دەسلەپكى تۈرىنىڭ 5-6 ھەپتە داۋاملىشىشى پىلانلانماقتا. ئۇچرىشىش تۇنجى كۈنى تۈۋەن سەۋىيەدە باشلىنىشى مۇمكىن ئەمما ئالدىمىزدىكى ھەپتىدە دىپلوماتىيە قاتناش قىستىلاڭچىلىقى يۈز بېرىشىمۇ مۇمكىن. ب د ت باش كاتىبى باياناتچىسىنىڭ ئېلان قىلغان باياناتىدا، ب د ت سۇرىيە ئالاھىدە ۋەكىلى ستافىن دى مىستۇرانىڭ مۇزاكىرەلەرگە ئىمكانقەدەر كۆپلىگەن تەرەپنى تەكلىپ قىلغانلىقى، تەكلىپ قىلىنغانلار ئارىسىدا سۇرىيە ھۆكۈمىتى، سۇرىيە ئۆكتىچىلەر ئىتتىپاقى. تۈرلۈك جەمئىيەت ۋەكىللىرى، رايۇنلۇق ۋە خەلقئارالىق تەرەپلەرمۇ بار. دېيىلگەن. سۇرىيە ئۆكتىچىلەر ئىتتىپاقى جەنۋە ئۇچرىشىشغا قاتنىشىدىغانلىقىنى بىلدۈرگەن ئىدى. مۇزاكىرىدە سۇرىيەدىكى كىرزىس ھەققىدە توختىلىپ، جەنۋە باياناتنامىسىنىڭ قانداق ئەمەلىيلىشىشى ھەققىدە ھەر قايسى تەرەپلەر قاراشلىرىنى ئوتتۇرغا قويىدۇ، مىستۇرا ۋە ياردەمچىسى رەمزى زەلدىن رەمزى بارلىق تەرەپلەر بىلەن ئ‍ايرىم-ئايرىم ئاخباراتقا چەكلەنگەن ھالەتتە ئۇچرىشىدۇ.
مۇزاكىرە ئاخىرلاشقاندىن كېيىن مىستۇرانىڭ، سۇرىيەدىكى ھەر قايسى تەرەپلەرنىڭ تەلەپلىرى ۋە ئۆز تەۋسىيەسىگە ئالاقىدار تەييارلايدىغان دوكلاتى ب د ت باش كاتىبى بان كىمونغا سۇنۇلىدۇ. جەنۋەدىكى ئۇچرىشىشقا تەكلىپ قىلىنغان تەرەپلەرنىڭ 10 دىن كۆپ ئىكەنلىكى مەلۇم بولدى. تەكلىپ قىلىنغانلار ئارىسىدا ب د ت خەۋىپسىزلىك كېڭىشى دائىمى ئەزالىرى بىلەن بىرگە ئىران ۋە سەئۇدى ئەرەبستانمۇ بار.