سىز ئادىلە سىدىقنى چۈشىنەمسىز؟ ئۇنىڭ ئەڭ يېڭى نادىر ناخشىلىرىدىن، ئىجادىيەتلىرىدىن ھوزۇرلىنىشقا ئالدىراۋاتىسىزغۇ دەيمەن؟
ئادىلە سىدىقنىڭ «كارۋان» ناملىق ناخشىسىنى ئۇنىڭدىنمۇ ياخشى ئېيتالايدىغانلار بارمىش. ئۇلار زادى كىمدۇ؟ رىياسەتچى زۇبەيدە تۇرسۇن ئادىلە سىدىققا پال ئېچىپ نېمىلەرنى دېدى؟ زىيارەت جەريانىدا ئادىلە سىدىق ئۆزىنى «كېسەل» دېدى، بۇ زادى قانداق كېسەل؟ پروگرامما جەريانىدا ئۇنىڭ بەزى مەخپىيەتلىكلىرى ئاشكارىلىنىپ كەتتى. ئاپلا، بۇ زادى قانداق مەخپىيەتلىكتۇ؟
ئىستانسىسىمىز بىلەن مېلودىيە مەدەنىيەت تارقىتىش چەكلىك شېركىتى بىرلىشىپ ئىشلىگەن «مەن نەق مەيداندا» ئالاھىدە سەنئەت پىروگراممىسىنىڭ يېڭى سانى 1-ماي ئەمگەكچىلەر بايرىمىدا ئىستانسىسىمىزنىڭ «ئۈزۈلمەس مېلودىيە» پىروگراممىسى، تۈركىيە رادىيو رېتىم قانىلىنىڭ «ئۇنتۇلماس مېلودىيە» پىروگراممىسى، شۇنداقلا يەنە MLDQANAL ئۈندىدار سۇپىسى ۋە جۇڭگو ئۇيغۇرچە رادىيو تور بېكىتىمىز ئارقىلىق كەڭ دوستلارنىڭ ھوزۇرىغا سۇنۇلىدۇ. بۇ قېتىملىق پىروگراممىمىزدا سىز «غەربىي يۇرت مودا ناخشا خانىشى» ئادىلە سىدىقنىڭ MLD مۇزىكا ئەترىتى تەڭكىشى ئاستىدىكى نەق مەيداندا ئىجرا قىلغان ئەڭ يېڭى، ئەڭ نادىر ناخشىلىرىدىن ھوزۇرلىنالايسىز.