13-ئاۋغۇست، ئىنسانپەرۋەرلىك ماددىي ئەشيا ياردىمى ئاپتوموبىللىرى ۋورونېژغا يېتىپ كەلدى.

جۇڭگو ئاخبارات ئاگېنتلىقى ، ب د ت ، 13-ئاۋغۇست تېلېگراممىسى : شۇ يەر ۋاقتى 12-ئاۋغۇست ، رۇسىيەنىڭ 280 يۈك ئاپتوموبىلدىن تەشكىللەنگەن ئىنسانپەرۋەرلىك ياردىمى ئەترىتى موسكىۋادىن ئۇكرائىناغا قاراپ يولغا چىققان . بۇ ئاپتوموبىللار ئىككى كۈندە ئۇكرائىنانىڭ شەرقىدىكى رايونلارغا يېتىپ بارىدىكەن . ئىگىلىنىشىچە ، ئۇكرائىنا تەرەپ بۇ ئاپتوموبىل ئەترىتىنى ئۇكرائىنا چېگرىسىغا كىرگۈزمەيدىغانلىقىنى ، ھەر قانداق ماددىي ئەشيا ياردىمىنى تاپشۇرۇۋېلىش-تاپشۇرۇپ بېرىش خىزمىتىنى پەقەت چېگرىدىلا تاماملايدىغانلىقىنى بىلدۈرگەن .

خەۋەرلەردە دېيىلىشىچە ، ئۇكرائىنا تەرەپ رۇسىيەنىڭ بۇ ئاپتوموبىل ئەترىتىنى ‹‹ ترويان ئېتى ›› غا ئوخشىتىپ ، ئۇلارنىڭ ئۇكرائىنادىكى ھۆكۈمەتكە قارشى قوراللىقلارغا ياردەم قىلىشىدىن ئەنسىرىگەن . رۇسىيە دىپلوماتىيە مىنىستىرلىقى 13-ئاۋغۇست بايانات ئېلان قىلىپ ، ئۇكرائىنانىڭ بۇ ئوي-خىياللىرىنى قاتتىق ئەيىبلەپ ، ‹‹ ئىنسانپەرۋەرلىك ياردىمى ھەربىي مۇددىئاغا ئىشلىتىلىشى مۇمكىن ›› دېيىش ، ئۇچىغا چىققان بىمەنىلىك ، دېگەن .

ب د ت تەرەپنىڭ 13-ئاۋغۇست سىرتقا ئاشكارىلىشىچە ، بۇ يىل ئاپرېلدىن ھازىرغا قەدەر داۋاملىشىۋاتقان ئۇكرائىنا توقۇنۇشىدا جەمئىي 2086 ئادەم قازا قىلغان ، 5000 غا يېقىن ئادەم يارىلانغان ، ئىنسانپەرۋەرلىك ۋەزىيىتى بارغانسېرى يامانلاشقان .