ئەنگلىيە ئېسكېس ۋىلايىتىنىڭ پىتسېئا شەھىرىدە يېقىندا بىر قېتىملىق ئېچىنىشلىق قاتىللىق دېلوسى يۈز بەردى. قازا قىلغۇچى 21 ياشلىق قىز يىگىتىدىن ئايرىلىپ كەتمەكچى بولغاندا، ۋىسالىغا يېتەلمىگەن يىگىتى بۇنىڭغا چىدىماي قىزغا ۋەھشىيلەرچە 82 قېتىم پىچاق تىقىۋەتكەن. زەربە تەسىرىدە پىچاق بىسىمۇ 90 گىرادۇس ئېگىلىپ كەتكەن.

                                  رەسىمدە: قازا قىلغۇچى داۋىئېس بىلەن قاتىل تايلور.

  ساقچىلار قانغا مىلىنىپ ياتقان 21 ياشلىق Laura Davies نى بايقىغاندا، ئۇخلاش كىيىمى كىيىۋالغان داۋىس ئاساسەن سېزىمىنى يوقاتقان بولۇپ، يەنىلا تۆۋەن ئاۋازدا «بولدى ئەمدى چانىما، بولدى قىل» دەپ پىچىرلاۋاتاتتى. دوختۇر داۋىسنىڭ پۈتۈن بەدىنىنىڭ 82 يېرىدە پىچاق ئىزى بارلىقىنى، قان كۆپ چىقىپ كەتكەنلىكتىن دوختۇرخانىغا ئېلىپ كېلىنىپ ئۇزاق ئۆتمەي قازا قىلغانلىقىنى بىلدۈردى. قاتىل داۋىسنىڭ 22 ياشلىق يىگىتى تايلور بولۇپ، ساقچىلار ئۇنىڭ يېقىن ئەتراپتىكى ئورمانلىققا مۆكۈنۈۋالغانلىقىنى بايقاپ دەرھال قولغا ئالدى. ئارقىدىن نەق مەيداندا قاتىللىقتا ئىشلىتىلگەن پىچاق بايقالدى. پىچاق بىسى زەربە تەسىرىدە 90 گىرادۇس ئېگلىپ كەتكەن ئىدى.

                                   رەسىمدە: زەربە تەسىرىدە 90 گرادوس ئىگىلىپ كەتكەن پىچاق بىسى.

    تايلور جۇڭگو چامباشچىلىقىنى ياخشى كۆرىدۇ. ھازىر ئىشسىز، ئات فېرمىسىدا خىزمەت قىلىدىغان داۋىس بىلەن ئارلاشقاندىن كېيىن، داۋىسنىڭ ياتىقىغا كۆچۈپ كىرىپ ئۇنىڭ بىلەن بىللە تۇرغان. دېلو يۈز بەرگەن كۈنى، داۋىس تايلورغا ئىككىسىنىڭ ماس كەلمەيدىغانلىقىنى، تايلور بىلەن ئايرىلىپ كېتىشنى ئۈمىد قىلىدىغانلىقىنى ئېيتقان. تايلورنىڭ شۇ ھامان ئەرۋاھى قىرىق گەز ئۆرلەپ، ئاشخانىغا ئېتىلىپ كىرىپ پىچاق ئېلىپ چىقىپ داۋىسقا تەھدىت سالغان، لېكىن داۋىس يەنىلا گېپىدا چىڭ تۇرغان. شۇنىڭ بىلەن تايلور ئاچچىقىغا پايلىماي قاتىللىق قىلغان. ئىككەيلەننىڭ قوغلىشىپ يۈرگەنلىكىنى كۆرۈپ، چۆچۈپ كەتكەن قوشنىلار ساقچىغا مەلۇم قىلغان. پۈتۈن بەدىنى قانغا بويىلىپ كەتكەن داۋىس ئاخىرى چىملىققا يىقىلغان. تايلور ساقچىلارنىڭ كەلگەنلىكىنى كۆرۈپ يېقىن ئەتراپتىكى ئورمانلىققا مۆكۈنىۋالغان. ئەنگلىيە سوتى شۇ يەر ۋاقتى جۈمە كۈنى (15-يانۋار) تايلورغا ھۆكۈم ئېلان قىلغان.