ھېنرى پۇتبولچى ۋاقتىدا نۇرغۇن چېمپىيونلۇققا ئېرىشكەن، ھازىر ئۇ بىر مەشقاۋۇل بولۇشنى ئۈمىد قىلغان بولۇپ، ئارسىنالنىڭ ئەڭ ئۇلۇغ پۇتبولچىسى دەپ قارىلىدىغان ھېنرى ھازىر مەشقاۋۇللۇق بىلىملىرىنى ئۆگىنىۋاتقان ھەمدە مەشقاۋۇللۇق گۇۋاھنامىسى ئېلىش ئۈچۈن تىرىشىۋاتقان ئىكەن.

    ھېنرى ھازىر ئۆزىنىڭ ئۇستازى ۋېنگىردىن مەشقاۋۇللۇق توغرىسىدىكى بىلىملارنى ئۆگىنىۋاتقان بولۇپ، ئۇ :«بىز ياش توپچىلارنى قانداق مەشىقلەندۈرۈش توغرىسىدا مۇلاھىزە ئېلىپ بارىمىز، كىچىك توپچىلارنى مەشىقلەندۈرۈشنىڭ چوڭ توپچىلارنى مەشىقلەندۈرۈش بىلەن قانداق ئوخشىماسلىق بارلىقى، ھەمدە بەزى ئالاھىدە مەسىلىلەر توغرىسىدا مۇلاھىزە ئېلىپ بارىمىز. مۇسابىقىگە قارىتا مېنىڭ ئوخشىمىغان كۆز قارىشىم بار، لېكىن بۇ كۆز قاراشنى قانداق قىلىپ ئەمەلىيەتكە ئۆزگەرتىش كېرەك؟ بۇ ئىككىسى ئىككى ئىش. ئەگەر سىز كەينى-كەينىدىن نەچچە مۇسابىقە ئۇۇتتۇرىۋەتسىڭىز مەستانىلەر چوقۇم نارازى بولىدۇ، مۇخبىر ۋە توپچىلارمۇ سىزنىڭ ئىشخانىڭىزغا بۆسۈپ كىرىشى مۇمكىن، قانداق قىلىش كېرەك؟ يۇقارقى مەسىلىلەر دەل مەن ئۆگىنىشكە تىگىشلىك مەسىلىلەر، مەن ھازىر بۇ مەسىلىلەر توغرىسىدا تىرىشپ ئۆگىنىۋاتىمەن»، دېگەن.

    ئۇ يەنە:«مەن ۋېنگىردىن مەن ئارسىنالغا قايتىپ مەشقاۋۇللۇق قىلسام بولامدۇ، دەپ سورىدىم، ئۇ كەل دېدى. ئاز كۈندىن كېيىن مەن ئارسىنالغا قايتىمەن، مەن ئۇيەرنى ياخشى كۆرىمەن، مەشقاۋۇللۇق ھاياتىمنى ئارسىنالدىن باشلايمەن»، دېگەن.