5- يانۋار سەھەر سائەت 7 ئەتراپىدا گۇاڭجۇ غول لىنىيىسى بېيتەيشىن لىنىيىسىدە تۇيۇقسىز يېرىق پەيدا بولۇپ، شۇ جايدا كېتىپ بارغا ئىككى پىكاپ يېرىققا قىسىلىپ قالدى. مۇخبىرنىڭ نەق مەيداندىن ئىگىلىشىچە، تەيشىن يولىنىڭ غەربتىن-شەرققىە كەتكەن يۆلىنىشىدە ئۇزۇنلىقى 50 مېتىر كېلىدىغان بىر يېرىق پەيدا بولغان بولۇپ، يېرىقنىڭ چوڭقۇرلىقى تەخمىنەن 1.5 مېتىر، كەڭلىكى تەخمىنەن 25 سانتىمېتىر كېلىدىكەن، يېرىقنىڭ ئىككى يېقىنىڭ ئېگىز-پەسلىك پەرقى 5~60 سانتىمېتىرغىچە ئىكەن.

       تەيشىن گۈللىكى ئەتراپىدا ئولتۇرۇشلۇق چېن خانىم ھەر كۈنى ئاپتوموبىلىنى ھەيدەپ بۇ يولدىن ئۆتىدىكەن، ئۇنىڭ ئېيتىشىچە، ئادەتتە ھەر قېتىم يامغۇر ياغقاندا بۇ جايغا سۇ يىغىلىپ قالىدىكەن. بۈگۈن چۈشتىن بۇرۇن سائەت 7 دىن 10 مىنۇتلار ئۆتكەندە ئۇ پىكاۋىنى ھەيدەپ بۇ جايدىن ئۆتكەندە يول يۈزىگە قانچىلىق چوڭقۇرلۇقتا سۇ يىغىلىپ قالغانلىقىنى بىلەلمىگەن، شۇنىڭ بىلەن ئۇ ئالاھىتەن سۈرئەتنى ئاستىلىتىپ ماڭغان. تۇيۇقسىز پوڭ قىلغان بىر ئاۋاز بىلەن پىكاۋى تىتىرەپ كەتكەن ۋە كېيىن ماڭالماي قالغان، ئۇ پىكاپتىن چۈشۈپ ئالدى چاقنىڭ يول يۈزىدىكى يېرىققا قىسىلىپ قالغانلىقىنى بايقىغان.