ئىنتېرنېت دەۋرىنىڭ بىر چوڭ روھى دەل «تارقىتىش، ھەمبەھىرلىنىش» لېكىن دىققەت بىلەن مەزمۇن ئىشلەيدىغان كىشىلەر ئۈچۈن بىلىم مۈلۈك ھوقۇقىنى قوغداش بۇ  سەۋەبلىك ئېغىر خىرىسقا دۇچ كەلدى. ئەنگلىيە تاراتقۇلىرىنىڭ خەۋەر قىلىشىچە، ئۇدا ئۈچ يىلغا سوزۇلغان سوت ئارقىلىق بەش ئەركىشى ئوغرى نۇسخىدىكى ئەسەرلەرنى تارقاتقانلىقى ئۈچۈن جەمئىي 17 يىللىق قاماق جازاسىغا ھۆكۈم قىلىنغان. ئۇلار ئىلگىرى RemixHD、26K、UNIQUE、DTRG قاتارلىق ئۈن سىن گۇرۇپپىلىرى بىلەن ھەمكارلىشىپ 2010-يىلى 3-ئايدىن تارتىپ 2014-يىلى 1-ئايغىچە جەمئىي 9000 كىنونى تورغا چىقارغان (ياكى چۈشۈرۈش ئۇرۇقى تەمىنلەپ قۇلايلىق ياراتقان)، كىنو ساھەسىدىكىلەرنىڭ ئېيتىشىچە بۇ سەۋەبلىك ئۇلار 52مىليون دوللار زىيان تارتقان.

    بۇ بەش ئەركىشىنىڭ ئارىسىدا يېشى ئەڭ چوڭ بولغىنى 40 ياش، ئەڭ كىچىك بولغىنى 22 ياش، ئۇلارنىڭ ئارىسىدا ئەڭ ئۇزۇن بولغىنى 4 يىل 6 ئايلىق قاماق جازاسىغا ھۆكۈم قىلىنغان.  

    بۇ ھەم ئەنگلىيەدىكى ئوغرى نەشىرگە ئائىت جازا ئەڭ ئېغىر ۋە چېتىلىش دائىرىسى ئەڭ كەڭ بولغان بىر قېتىملىق سوت ھۆكۈمى.