ئامېرىكا «ۋاشىنگىتون كۈندىلىك پوچتا گېزىتى» نىڭ 2-چېسلا خەۋەر قىلىشىچە، ھايۋانات دوختۇرى ساخاۋەت تەشكىلاتىنىڭ ئاشكارلىشىچە، ئەنگىلىيەدە تەخمىنەن 900 مىڭغا يېقىن مۈشۈك «مۈشۈك ئىممۇنت كۈچى تولۇق بولماسلىق ۋىرۇسى» بىلەن يۇقۇملانغان بولۇشى مۇمكىن بولۇپ، ئۇلار مۈشۈك ئىگىلىرىنى دەرھال تۇغماسلىق ئوپراتسىيىسى قىلدۇرۇشقا تەشەببۇس قىلدى.

ئىگىلىنىشىچە، «مۈشۈك ئىممۇنت كۈچى تولۇق بولماسلىق ۋىرۇسى» نى داۋالاپ ساقايتقىلى بولمايدىغان بولۇپ، مۈشۈكنىڭ ئىممۇنت سىستىمىسىنى بۇزغۇنچىلىققا ئۇچرىتىدىكەن.

       ھايۋانات دوختۇرى ساخاۋەت تەشكىلاتى يەنە مۇنۇلارنى بىلدۈردى، «مۈشۈك ئىممۇنت كۈچى تولۇق بولماسلىق ۋىرۇسى» «ئىنسانلار ئىممۇنت كۈچى تولۇق بولماسلىق ۋىرۇسى» بىلەن ئوخشاشلا قان سۇيۇقلىقى ۋە شۆلگەي سۇيۇقلىقىغا يوشۇرنىۋالىدۇ، ھاياتلىق گەۋدىسىدىن ئايرىلسا ئۆزىنىڭ ھايات قېلىش ئىھتىمالى چوڭ بولمايدۇ، بىراق بۇ خىل كىسەللىك مۈشۈكتىن ئىنسانلارغا يۇقمايدۇ. ئەمما بەك يېقىن مۇناسىۋەتتە بولغاندا، باشقا مۈشۈكلەرگە يۇقىدۇ.

    ھايۋانات دوختۇرى ساخاۋەت تەشكىلاتىنىڭ ئاشكارلىشىچە، مۈشۈكلەر سىرىتتا يۈرسە ئاسانلا كىسەل يامراپ كىتىدىغان بولۇپ، شۇڭلاشقا ئۇلار مۈشۈك ئىگىلىرىنى دەرھال تۇغماسلىق ئوپراتسىيىسى قىلدۇرۇشقا تەشەببۇس قىلدى.