جاھان ئاگېنتلىقى 3-مارت خەۋىرى؛ لەگلەك تورى تەرجىمىسى: سۇرىيەدە شىئە مۇقەددەس ئورۇنلىرىنى قوغداشقا مەسئۇل قىلىنغان، ئىران ئىنقىلاب مۇھاپىزەتچىلىرىگە تەۋە «فاتىمىييۇن» ئەترىتى قۇماندانى ئەلى رىزا تەۋاسسۇلى ، سۇرىيەنىڭ دەرئا رايۇنىدىكى تۇقۇنۇشتا ئۆلدى.
ئىران رەسمى ئاخبارات ئاگېنتلىقى «فارس» نىڭ خەۋىرىگە قارىغاندا، ئىران ئىنىقىلاب مۇھاپىزەتچىلىرىگە قاراشلىق «فاتىمىييۇن» ئەترىتى قۇماندانى ئەلى رىزا، ياردەمچىسى رىزا باھشى ۋە يېنىدىكى 5 ئىرانلىق ئەسكەر دەرئا رايۇنىدا ئۆلتۈرۈلدى.
ئىران سۇرىيە ۋە ئىراقتا ھەربىي مەۋجۇتلىقىنى رەت قىلىۋاتقان بولۇپ، isis «ئىراق ۋە شام ئىسلام دۆلىتى تەشكىلاتى» نىڭ يامرىشىدىن كېيىن مۇقەددەس شىئە ئورۇنلىرىنى قوغداش، سۇرىيە ئارمىيسىگە ۋە پىدائىي ئەسكەرلەرگە مەسىلىھەت بېرىش سەۋەبى بىلەن مەزكۇر رايۇنلارغا ئەسكەر ئەۋەتكەنلىكىنى ئېيتقان ئىدى.
ئىران ھۆكۈمىتى، ئىراقتا مەزھەبچىل ۋە بۆلگۈنچى سىياسەت يۈرگۈزىۋاتقانلىقى سەۋەبىدىن دۆلەتتىكى بىر قانچە تەرەپلەرنىڭ ئەيىبلىشىگە ئۇچرىغان سابىق باش مىنىستىر نۇرى مالىكىنىڭ ئەڭ چوڭ قوللىغۇچىسى ئىدى. نۇرى مالىكى بۇلتۇر ۋەزىپىسىنى شىئە سىياسىيۇن ھەيدەر ئىبادىگە ئۆتكۈزۈپ بەردى.
ئىران ئىنقىلاب مۇھاپىزەتچىلىرىنىڭ چەتئەل ئالاھىدە ھەرىكەت گۇرۇپپىسى «قۇددۇس كۈچى»نىڭ باشقۇرۇش قاتلىمىدىكى گېنىرال قاسىم سۇلايماننىڭ ئىراق زېمىندىكى ھەرىكەتلەرگە قاتناشقانلىقىغا دائىر رەسىملەر ئىران مىدىياسىدا ئېلان قىلىنغان ئىدى.
يېقىندا ئىرانلىق بىر يۇقىرى دەرىجىلىك قۇماندان ، ئىسرائىلىيەنىڭ سۇرىيەنىڭ كۇنەيترا رايۇنىدا ئېلىپ بارغان ۋە 6 نەپەر لىۋان ئاللاھ پارتىيسى قۇراللىقى ئۆلتۈرۈلگەن ھەرىكەتتە ھاياتىدىن ئايرىلغان ئىدى.
لىۋان ئاللاھ پارتىيىسى«شىئە گوروھ» نىڭ يېقىندا ئېلىپ بارغان ھەرىكىتىدە ئىككى ئىسرائىلىيەلىك ئۆلگەن ئىدى.