ئىسپانىيە ئاخبارات ۋاستىسى كۈندىلىك تەنتەربىيە گېزىتىنىڭ خەۋەر قىلىشىچە، بارسېلونا 2015-يىلى ياۋرۇپادىكى بەش چوڭ بىرلەشمە ئارىسىدا غەلبە قىلغان قېتىم سانى ئەڭ كۆپ كوماندا بولۇپ قالغان، ئىنرىك يېتەكلىگەن بارسېلونا كوماندىسى 61 مەيدان مۇسابىقىگە قاتنىشىپ 51 مەيدان غەلبە قىلغان. بارسېلونا زەردار كۇلۇبلار ئارىسىدا ئەڭ كۆپ غەلبە قىلغان كوماندا بولۇپ قالغان، بارسېلونا 61 مەيدان مۇسابىقىدە 51 مەيدان غەلبە قىلغان، فىرانسىيە زەردارى پارىژ سانت گېرمان 59 مەيدان مۇسابىقىدە 45 مەيدان غەلبە قىلىپ ئىككىنچى بولغان. گېرمانىيە زەردارى بايرىن مىيۇنخىن 53 مەيدان مۇسابىقىدە 38 مەيدان غەلبە قىلغان، ئىتالىيە زەردارى يۇۋېنتۇس 59 مەيدان مۇسابىقىدە 37 مەيدان غەلبە قىلغان، ئىسپانىيە زەردارى خانلىق مادرىد 55 مەيدان مۇسابىقىدە 36 مەيدان غەلبە قىلغان.