ياپونىيە ئاۋام پالاتاسى سايلىمىغا ئاۋاز بېرىشكە ئون كۈن قالدى. ياپونىيەدىكى بىر قانچە تاراتقۇ 4-دېكابىر ئېلان قىلغان ئەلرايى تەكشۈرۈشىگە قارىغاندا، ھاكىمىيەت بېشىدىكى ئەركىن دېموكراتلار پارتىيەسىنىڭ ئالدىنقى قاتارغا ئۆتۈشىدىن ئۈمىد بار ئىكەن. ئۆكتىچىلەر پارتىيىسىنىڭ كۈچى تارقاق بولغاچقا ماھىيەتلىك تەھدىت پەيدا قىلالمايدىكەن.
«ئەتىگەنلىك خەۋەرلەر گېزىتى»دە ئېلان قىلىنغان ئەلرايى تەكشۈرۈشىدە مۇنۇلار ئايان بولدى: ئەركىن دېموكراتلار پارتىيەسىنىڭ پارلامېنتتىكى 300دىن ئارتۇق ئورۇننى ئىگىلىشىدىن ئۈمىد بار، ئەركىن دېموكراتلار پارتىيەسى بىلەن ئادالەتچىلەر پارتىيەسىدىن تەشكىللەنگەن ھاكىمىيەت يۈرگۈزۈش ئىتتىپاقى ئاۋام پالاتاسىدىكى ئۈچتىن ئىككى قىسىمىدىن كوپرەك ئورۇننى ئىگىلىشى مۇمكىن ئىكەن.

بۇنىڭغا سېلىشتۇرغاندا، ئاساسلىق ئۆكتىچىلەر پارتىيەسى قىيىن ئەھۋالغا چۈشۈپ قېلىپ، ئەركىن دېموكراتلار پارتىيەسى ۋە ئادالەتچىلەر پارتىيەسىدىن تەشكىللەنگەن ھاكىمىيەت يۈرگۈزۈش ئىتتىپاقى بىلەن رىقابەتلىشەلمەسلىگى مۇمكىن.

ياپونىيەنىڭ 47-نۆۋەتلىك ئاۋام پالاتا سايلىمىغا 14-دېكابىر ئاۋاز بېرىلىدۇ، پارلامېنتتىكى يېرىمدىن كۆپىرەك ئورۇنغا ئېرىشكەن پارتىيە ياكى پارتىيەلەر ئىشتىياقى يېڭى بىر نۆۋەتلىك ئاۋام پالاتاسىدا يېڭى باش ۋەزىرنى كابىنېت تەشكىللەشكە كۆرسىتىدۇ.