جۇڭگو ئاخبارات تورى، 7-ئاۋغۇست تېلېگراممىسى: چەت ئەل تاراتقۇلىرىنىڭ خەەر قىلىشىچە، ئەنگىلىيەگە تەسىس قىلىنغان سۇرىيەنىڭ ئىنسانىي ھوقۇقىنى كۆزىتىش ئاپپاراتلىرىنىڭ ئەڭ يېڭى ئىستاتىستىكىسىدىن مەلۇم بولۇشىچە، سۇرىيەدە ئىچكى ئۇرۇش پارتلىغان تۆت يىل ئىچىدە 240 مىڭ ئادەم ھاياتىدىن ئايرىلغان، بۇنىڭ ئىچىدىكى 12 مىڭى كىچىك بالا ئىكەن. يېقىنقى ئىككى ئايدا بولسا 10 مىڭدىن ئارتۇق ئادەم قازا قىلغان.
ئېنىق مەلۇماتلارغا قارىغاندا، تۆت يىل ئىچىدە سۇرىيەدىكى ئۇرۇشتا 240 مىڭ 381 ئادەم قازا قىلغان، بۇنىڭ ئىچىدە 11 مىڭ 964 كىچىك بالىنى ئۆز ئىچىگە ئالغان 71 مىڭ 781 ئادەم ئاۋام پۇقرا، 42 مىڭ 384 ئادەم سۇرىيەلىك ئۆكتىچى، 34 مىڭ 375ى سۇرىيەگە كېلىپ ئىچكى ئۇرۇشقا قاتناشقان چەت ئەللىك «جىھاد»چىلار ئىكەن.
ئىگىلىنىشىچە، سۇرىيە ھۆكۈمەت ئارمىيەسىدىن ئەڭ كۆپ ئادەم قازا قىلغان، يەنى قازا قىلغانلار 88 مىڭ 616غا يەتكەن بولۇپ، سۇرىيە ھۆكۈمەت ئارمىيەسى سانىنىڭ 3/2 قىسمىغا باراۋەر كېلىدىكەن.
بۇنىڭدىن باشقا، يەنە قازا قىلغان 3225 ئادەمنىڭ سالاھىيىتى تېخى ئېنىقلانمىغان، 30 ئادەمنىڭ ئىز-دېرىكى بولمىغان.