3-ئاينىڭ 3-كۈنى شىياڭگاڭدا. ‏ئون مىڭلىغان ئادەم كوچىغا چىقىپ ،ئاخبارات ئەركىنلىكىنى قوللاپ،نۇر گېزىتىنىڭ ئىلگىركى باش مۇھەرىرى لىيۇ جىڭ تۇنىڭ زوراۋانلىق ھۇجۇمىغا ئۇچرىغانلىقىغا نارازىلىق بىلدۈرۈپ،ساقچى تەرەپنىڭ تېزدىن قاتىلنى قولغا چۈشۈرىشىنى تەلەپ قىلدى.نارازىلىق بىلدۈرگىچىلەر ‹ئۇلار ھەممىمىزنى ئۆلتۈرۈپ تۈگىتىۋېتەلمەيدۇ›دەپ يېزىلغان پىلاكاتلارنى كۆتۈرۈپ نامايىش قىلىپ،زوراۋان كۈچلىرىنىڭ قورقىتىشىغا قارشىلىق كۆرسەتتى .‹ئاخبارات ساھەسى زوراۋانلىققا قارشى تۇتۇش بىرلەشمىسى›جەمئىي 13000ئادەمنىڭ نامايىشقا قاتناشقانلىقىنى ئېلان قىلدى.بىرلەشمە،مۇراجىئەتنەمىدىن سىرىت يەنە،شەھەر ئاھالىسىنىڭ بىرلىكتە قول قۇيۇپ قالدۇرغان سۆزىنى تاپشۇرۇپ بەردى.ساقچى تەرەپ ئەڭ كۆپ بولغاندا 8600 ئادەم نامايىشقا قاتناشتى دەپ مۆلچەرلىدى. 2ئاينىڭ 26-كۈنى،نۇر گېزىتىنىڭ ئىلگىركى باش مۇھەرىرى لىيۇ جىڭ تۇ تۇيۇقسىز ھۇجۇمغا ئۇچرىغان.ئىككى نەپەر سالاھىتى ئېنىڭ بولمىغان قاتىل،لىيۇ جىڭ تۇ ماشىنىنى قوزغىۋاتقاندا ،تۇيۇقسىز كېلىپ چېپىپ يارلاندۇرغاندىن كېيىن قېچىپ كەتكەن. لىيۇ جىڭ تۇ دوختۇرخانىدا يېتىپ داۋالىنىۋاتقان مەزگىلدە مۇنداق دېدى:‹زوراۋانلار تۇيۇقسىز ھۇجۇم قىلىپ بىزنى قورقۇتۇشنى ئويلايدۇ،ئەگەر بىز قوقساق ئەركىنلىكتىن مەھرۇم قالىمىز .شۇڭا كۆپچىلىك شۇنى چۈشىنىشى كېرەككى ،بىز ئەركىنلىكنى مەۋجۇت ھەم ئۆزگەرمەس دەپ پەرەز قىلىۋالساق بولمايدۇ.ھەر بىر ئادەم ئەركىنلىك ئۈچۈن تىرىشقاندىلا ئاندىن ئەركىنلىكنى داۋاملاشتۇرغىلى بولىدۇ›.