كەتمەن ساداسى

版权声明：转载时请以超链接形式标明文章原始出处和作者信息及本声明
logs/34853946.html

ۋاقىت


ساداقەتجان ھاجى


ۋاقىت ئاقىدۇ دەريادەك،
ئاقىدۇ توختىماي.
ئۇچىدۇ ئۇ قۇشتەك،
ئۇچىدۇ تىنماي.
سەن بىلەن بىز ئۇخلىغان بىلەن،
ۋاقىت ياشايدۇ ئۇخلىماي.

ۋاقىت ئۆزگەرتىدۇ ھەممىنى.
قايغۇنى شاتلىققا.
ئۆلۈمنى ھاياتلىققا.
ۋاقىت يەتكۈزىدۇ بىزنى
ئارزۇ ۋەسلىگە،
باھار پەسلىگە.

ۋاقىت ئاقىدۇ.
ۋاقىت ئۇچىدۇ.
ۋاقىت ئۇخلىمايدۇ سەن بىلەن بىزدەك.
ۋاقىت ئۆزگەرتىدۇ ھەممىنى
ئارزۇيىمىزدەك...


***************************
1995-يىل 8-ئاينىڭ 31-كۈنى.
(«تەڭرىتاغ» ژورنىلى 1996-يىللىق 5-سان)
باشقا توربەتلەرگە كۆچۈرۈپ يولللىماڭ
***************************