كەتمەن ساداسى

版权声明：转载时请以超链接形式标明文章原始出处和作者信息及本声明
logs/34867457.html

كەلدى بىر دەقىقە ئىچىدە ئۆلۈم

ساداقەتجان ھاجى

بىر دەقىقە يۇمدۇم كۆزۈمنى
خىيالىمدىن ئىزدەپ ئۆزۈمنى
شۇ قەدەر قىزغىن مۇھەببەت بىلەن
ھاياتنى سۆيگەندەك سۆيدۈم ئۆلۈمنى

ئۆلۈمنىڭ باغرىغا سانجىلغان تىكەن
غۇنچىلىدى قات-قات
قىزىل گۈلدەك قانلارغا پۈركەندى ئاخىر
بىر دەقىقە ئىچىدە ھايات

- قېنى سەن كەتمەنباي؟ - دىدى بىر سادا
تۇپراققا دىيەلمەس ھىچكىم ئەلۋىدا؟

كىتابنى ياپتىم
ئۆزۈمنى ئىزدەپ ئۆلۈمنى تاپتىم
ئۆلۈم ھاياتتىنمۇ قىممەتلىك ھايات
قەلەم قەسىدەڭنى توختاتقىن توختات
سۈكۈت قىل؟
سۈكۈت قىل؟
سۈكۈت قىل ئەمدى
تىۋىشلارغا قۇلاق سال!
كەلدى
بىر دەقىقە ئىچىدە ئۆلۈم...

*************************
(2008-يىل 7-ئاينىڭ 2-كۈنى)
بۇ شېئىرنى باشقا توربەتلەرگە كۆچۈرۈپ يوللاشقا بولمايدۇ
*************************