كەتمەن ساداسى

版权声明：转载时请以超链接形式标明文章原始出处和作者信息及本声明
logs/34868604.html

ئانا، ئېيتىپ بەرگىن بىر چۆچەك

ساداقەتجان ھاجى

ئانا، ئېيتىپ بەرگىن بىر چۆچەك.
بۇرۇنلاردا نىمىلەر بولغان؟
بەلكىم بىزنىڭ قۇملۇقلىرىمىز
نۇرغۇن-نۇرغۇن گۈللەرگە تولغان...

ئانا، ئېيتىپ بەرگىن بىر چۆچەك.
بوۋام ئەلگە قانداق تونۇلغان؟
ئېغىر كۈنگە قالغاندا ۋەتەن،
بەلكىم ئۇ بىر قەھرىمان بولغان...

ئانا، ئېيتىپ بەرگىن بىر چۆچەك.
راست بارمىتى ۋەھشى يالماۋۇز؟
ئانا، ئاشۇ يالماۋۇز بىلەن
ئېلىشقانمۇ چىنتۆمۈر يالغۇز؟...

ئانا، ئېيتىپ بەرگىن بىر چۆچەك.
ئاڭلىۋالاي ھەممىنى تولۇق.
بۇنداق ئېسىل چۆچەكلەر تۇرسا،
مېنىڭ ھەرگىز ئۇخلاپ قالغۇم يوق...

************************
1992-يىل 20-ئاۋغۇست.
(«ئىشچىلار ۋاقت گېزىتى» 2000-يىل 29-نويابىر سانىدا ئىلان قىلىنغان)
باشقا توربەتلەرگە كۆچۈرۈپ يوللاشقا بولمايدۇ
************************