چەتئەلللەردە كىشىلەر كىشىلىك ھايات مۇساپىسىنى : بالىلىق ۋە ياشلىق مەزگىلى،كەسىپ ۋە تىرىكچىلىك مەزگىلى ،بېقىندىلىق مەزگىلىدىن ئىبارەت تۆت ياش باسقۇچىغا ئايرىيدۇ.‹‹3-ياش ››–پېنسىيە مەزگىلىنى كۆرسىتىدۇ.بۇنىڭغا ئەھمىيەت بېرىلىشىدىكى سەۋەپ شۇكى،پېنسىيگە چىققاندىن كېيىنكى ‹‹3-ياش››كىشىلىك ھاياتنىڭ ئۈچىتىن بىرىنى ئىگەللەيدۇ.بۇ مەزگىلدە ،ئادەم ئەگەر ياخشى ھالەتتە تۇرالىسىلا ،تۇرمۇشتىكى ماسلاشماسىلىقنى ئازايتىپ ،تۇرمۇش سۈپىتىنى ئۆستۈرگىلى ،4-ياش مەزگىلىدىكى بېقىندىلىق ۋاقتىنى ئازايتقىلى بولىدۇ.شۇنداقلا بۇ مەزگىلدە تۇرغان كىشلەرنىڭ تۇرمۇش بېسىمى ئازراق،ئائىلە يۈكى يەڭگىلرەك،قابىلىيتى ۋە قىزىقىشىنى تەرەققى قىلدۇرۇشتا خېلى چوڭ ئىمكانىيەت ۋە قولايلىقلارغا ئىگە بولىدۇ.بۇ،كىشىلىك ھايات قىممىتىنى ئەمەلگە ئاشۇرۇشتا مۇھىم رول ئوينايدۇ.ئۇ،كىشىلىك ھاياتنىڭ يەنە بىر ئاچقۇچلىق مەزگىلى.
‹‹3-ياش ئالىي مەكتىپى››(قىسقارتىپU3A دېيىلدۇ)ياشانغانلارنى ئۆگىنىش سورۇنى بىلەن تەمىنلەيدۇ.ئومۇمەن،ئۇنىڭ ئوقۇش سالاھىيتى جەھەتتىكى تەلىپى يوق،ئۇنۋانمۇ بەرمەيدۇ.ئۇنڭىدا ئىپادىلىنىدىغان تەلىم -تەربىيە پىرنىسپى: ھايات ۋە ئۆگىنىش نۇقتىسىنى چىقىش قىلىپ ،ياشانغانلارنى بايلىق دەپ قاراپ،ئۇلارنى ئۆمۈرلۈك ماپارىپ سېستىمىسىغا كىزگۈزۈشتىن ئىبارەت. ئۇ ياشانغانلارنىڭ جەمئىيەتكە ئارلىشىشىغا ياردەم بېرىپ،دەۋر تەلىپىگە ئۇيغۇن كېلىدىغان ئىجتىمائى پائالىيەت بىلەن شۇغۇللىنىشىغا قولايلىق يارىتىش؛ئۇلارنىڭ تۇرمۇش سۈپىتىنى ئۆستۈرۈپ ،زېھنىنى ئېچىپ،مەنىۋى دۇنياسىنى بېيىتىش؛چوڭلار ۋە ئەۋلادلار بىلەن ئىناق ئۆتۈشكە ئادەتلەندۈرۈشنى مەقسەت قىلىدۇ.
دۇنيا بويىچە تۇنجى ‹‹3-ياش ئالىي مەكتىپى››نى 1972-يىلى فىرانسىيلىك پىروفېسسور پېيل ۋىلاس تۇلۇزا ئۇنۋېرسىتىتىدابەرپا قىلغان.كېين،مائارىپ ئىدىيسى،خىزمەت تەجىرىبىلىرىنى ئالماشتۇرۇش ۋە ھەمكارلىشىش ئۈچۈن ،1975-يىلى ياۋرۇپادىكى بىر نەچچە ‹‹3-ياش ئالى مەكتەپ››لىرى بىرلىكتە خەلقئارا3-ياش ئالىي مەكتەپلىرى جەمئىيتىنى قۇرغان.ئۇ،دۇنيادىكى ھەرقايسى دۆلەت ياشانغانلار ئۇنۋېرسىتىتىلىرى ۋە ئورگانلاردىن تەشكىللەنگەن بىرلەشمە غەيرىي ھۆكۈمەت تەشكىلاتى بولۇپ،ئۆگىنىش ۋە تەتقىقاتنى يۈكسەلدۈرۈش ھەمدە بارلىق 3-ياشتىكىلەر ئۈچۈن تىرىشىپ مۇلازىمەت قىلىشنى مەقسەت قىلىدۇ.نۆۋەتتە،ياشانغانلارنىڭ تەلىم-تەربىيە تەشكىلىي شەكىللىرى جەھەتتە ،تەرەققىي قىلغان دۆلەتلەردە ھۆكۈمەت مەبلەغ سېلىش شەكلى،مۇستەققىل باشقۇرۇپ،ئۆزىگە ئۆزى ياردەم بېرىش شەكلى ۋە مەھەللىۋى شەكىلدىن ئىبارەت ئۈچ خىل مۇقىم شەكلى بار.ئەنگىلىيە مۇستەققىل باشقۇرۇپ،ئۆزىگە ئۆزى ياردەم بېرىش شەكلىنىڭ تىپىك ۋەكىلى.
مەنبە: شىنجاڭ مائارىپ گېزىتى2007-يىل12-ئاينىڭ 18-كۈنىدىكى سانىدىن ئېلىندى