كىسەل ئاسارىتىدىن ئاجىزلىشىپ كەتكەن، ئاغرىق دەستىدىن ئىڭراۋاتقان كۈچسىز بەدىنىمنى تولىمۇ، تولىمۇ تەستە مىدىرلىتىپ بار كۈچۈمنى ئاران دىگەندە يىغىپ، كارۋىتىم بېشىدىكى تارتمىدىن ماڭا 3 ئاينىڭ بىرى ھەمرا بۇلۇپ كەلگەن، سەن ماڭا سوۋغا قىلغان ئاشۇ قارا خاتىرە دەپتەر بىلەن قەلەمنى قۇلۇمغا ئالدىم.ئۇلار مىنى ئەڭ چۈشىنىدىغان بىردىنبىر يېقىن سىردىشىم ئىدى.ھازىر دىگەن ئىچ-سىرىڭنى بىر كىمگە دەيدىغان زامان ئەمەسكەن.كىمدە ئىشەنىچ قالدى؟ئۆزۈڭگە ئىشەنگىلى بولمايدىغان تۇرسا،يەنە كىملەرگە ئىچ-باغرىڭنى تۆكەلەيسەن؟ مىنىڭ بارچە خوشاللىقلىرىم.دەرتلىرىم، نىدالىرىم ھەممىسى مۇشۇ خاتىرىگە سىڭىپ كەتكەن.
ئىز تورىدا ئىزلىرىمىز قالسۇن!
كىچىدىن توختىماي چىقىۋاتقان شامال، قەلبىم لەرزىنى بىر خىل ساراسىمىگە سېلىپ،كۆز نۇرۇمدىن يىراقلاۋاتقان چىكىتلەرنىڭ سىيماسىنى گاھ ئەسلىتىپ، گاھ يوقىتىۋەتتىئكىچە يەنە شۇ قورقۇنۇچلۇق چۈشنى كۆردۈم.ئىككىمىز ئىگىز تاغنىڭ ئۈستىدە بىر-بىرىمىزگە قاراپ تۇراتتۇق،تۇيۇقسىز مەن بىر چوڭقۇر ھاڭغا چۈشۈپ كەتكۈدەكمەن،سەن قۇلۇمدىن تۇتالماپسەن...
تاڭ ئېتىشتىن بۇرۇنلا يىغلاپ ئويغىنىپ،چېچىلغان نېرۋىللىرىمنى ئاران دىگەندە بىر يەرگە يىغىپ، ھەممىنى قايتا ئويلاپ چىقتىم.ئەڭ ئاددىيسى ھەم ئەي قىسقىسى ھېسلىرىم پۈتۈنلەي تۇنجۇققان ئىدى. سۆيگۈ گۈلخانلىرىنى لاۋۇلدۇتۇپ،مىنى مۇھەببەت قوينىغا ئەكىرگەن تۇنجى پەرۋىشكارىم سەن ئىدىڭ.سىنىڭ ماڭا ئوتلۇق بېقىشلىرڭ،يۈزلىرىمنى ئالمىدەك قىززارتارتتى.مۇھەببىتىمىزنى مەدھىيلاپ تىزىپ ئۆتكەن مىسرالىرىمنى سەندىن ئۆزگە بىر كىشىنىڭ ئوقۇۋىلىشىدىن قىزغىناتتىم.سىنى شۇنچىلىك ياخشى كۆرەتتىمكى، پاك ئەقىدەم، غۇبارسىز كۆڭلۈم بۇنىڭغا گۇۋاھ. دەرىزەمدىكى ئەتتىرگۈللەر بىزنىڭ چىن مۇھەببىتىمىزنىڭ شاھىدى ئىدى،ئۇلار تېخى سولاشقىنى يوق، چۈنكى مەن ھەر كۈنى ئۇلارنى كۆز يېشىم بىلەن سۇغۇرۇپ تۇردۇم.بىز ھەممە ھەۋەس قىلىدىغان بەخىتلىك بىر جۈپلەر ئىدۇق، بەختىمىزگە كۆز تەگدىمۇ جېنىم، شۇم تەغدىر بىزنى ئايرىدى، بىزگە ئىچ ئاغرىتمىدى، ئادەمنىڭ كۆز يېشىمۇ يىغلاۋەرسە تۈگەپ كىتەمدۇ نىمە؟ يىغلاپ يىغلاپ ھاردىم... ئىز تورى www.iz.la
مانا بۈگۈن خانەمدە يالغۇز ئولتۇرۇپ، سەن قالدۇرۇپ كەتكەن ئاشۇ گۈزەل، ئۇنتۇلغۇسىز ، تاتلىق ئەسلىمىلەر قوينىدا خامۇش ئولتۇرۇپ، ساگا كۆنگەن، سوقۇشتىن توختاپ قالاي دىگەن شۇ زەئىپ يۈرۈگۈم بىلەن بەخىتسىز تەغدىرىمىز ئۈستىدىن شىكايەت قىلماقتىمەن.
شۇ قەدەر ئېغىر ھەم ھەسرەتلىك تىنىپ،
تۇرىمەن روجەكتىن تالاغا قاراپ.
ئۇ يەردە سىم-سىملاپ چۈشمەكتە يامغۇر،
بارماقتەك يارىمنىڭ يولىغا تاراپ...
سىرىتتا سىم-سىم يامغۇر ياغماقتا ئىدى، مەن يامغۈرغا تولىمۇ ئامراق، چۈنكى ئۇ مىنىڭ كۆز ياشلىرىمنى يۇشۇرۇپ قالالايدۇ. تەكشۈرۈش نەتىجىسىنى قولۇمغا ئالغان كۈنىمۇ يامغۇر ياققان ئىدى.مەن خۇددى كاللىسى توختاپ قالغان ئادەمدەك.قەدەملىرىمنى تەستە يۆتكەپ، نىشانسىزلا يولدا كىتىپ بارىمەن.كاللام قۇپقۇرۇق ئىدى. مۇشۇ ئاي مۇشۇ كۈنلەردە، بۇ چوڭ شەھەردە بىكار تەلەتلەر تۈگەپ كەتكەندەك قىلىدۇ.ئالدىراشلىقنىڭ دەستىدىن بىر كىمنىڭ يەنە بىر كىمگە قارىغۈدەكمۇ چولىسى يوقتەك...
www.iz.la
مېڭىپ-مېڭىپ بىز دائىم كىلىدىغان ئاشۇ كۆلچەك بويىغا كىلىپ قاپتىمەن.سەن ھەر قېتىم بالدۇر كىلىپ مىنى ساقلاپ ئولتۇرۇپ تۇرىدىغان ئاشۇ ئوروندۇق بۈگۈن باشقىچىلا غېرىپ ھەم كونا كۆرىنەتتى. مەن ئورۇندۇقتا كۆزۈمنى بىر نۇقتىغا تىككەن پېتى ئولتۇردۇم.مىنى شۇنچىلىك قاتتىق يىغا قاپلاپ كەتتىكى ئۆزۈمنى زورىغا بېسىۋىلىپ تېلفۇنۇمنى ئاچتىمدە تىتىرەپ تۇرغان قوللىرىم بىلەن ساڭا تېلفۇن ئۇردۇم. " ۋەي، ئېلشات..."ئاۋازىم تىتىرەپ كەتتى. "شەھلا، سىز نەدە؟ تېلفۇنىڭىزنى نىمىشقا ئىتىۋالدىڭىز؟ سىزدىن بەكلا ئەنسىردىم. ئېيتىڭە،سىز نەدە ھازىر؟ مەن قېشىڭىزغا باراي." سىنىڭ تەلەپپۇزۇڭدىن مەندىن قانچىلىك ئەندىشە قىلغانلىقىڭنى ھېس قىلىپ تۇرۇپتىمەن.
ئىز تورى ئىز تورى ئىز تورى ئىز تورى ئىز تورى ئىز تورى ئىز تورى ئىز تور
يېقىندىن بۇيان چىرايىم سارغىيىپ،يىگەن نەرسەم سىڭمەيدىغان بۇلۇپ قالغان ئىدى، بەدىنىمدە كۈچ يوق، ھىچ ئىش خوش ياقمايتتى، بۇرنۇممۇ تولا قاناپ، ئەندىشەم ئاخىرى مىنى دوختۇرخانىغا تەكشۈرتۈشكە ئۈندىدى. مانا بۈگۈن ئاق قان راكىنىڭ ئەڭ ئاخىرقى باسقۇچى ئىكەنلىگىمنى، ماڭا كەلگۈدەك يىلىك تېپىلىشنىڭ ناھايىتى تەس ئىكەنلىگىنى ئىكەنلىكىمىنى بىلگەن ئىدىم...ئېھ ، بۇ شۇم ئەجەل نىمىشقا مىنىڭ بېشىمغا كىلىدۇ.
مىنى گۈلۈم دەيتتىڭ، كەچۈر، گۈلۈڭ ۋاقىتسىز توزىماقچى...
مەن پۈتۈن غەيرىتىمنى يىغىپ ساڭا شۇنداق قوپال ھالەتتە؛"ئېلشات،سىز كىلىمەن دەپ ئاۋارە بولماڭ. نەچچە ۋاقىتتىن بىرى بۇ چوڭ شەھەردە يالغۇز زىرىكىپ قالماي دەپلا سىز بىلەن مۇنداقلا يۈرۈپ قويغانتىم، مەن مۇشۇ چىرايىم بىلەن سىزدەك ئاددى بىر ئوقۇتقۇچىنى يارىتارمانمۇ؟ ھەممىسى يالغان، سىزنى ياخشى كۆرمەيمەن، ھەم ياخشىمۇ كۆرۈپ باقمىغان، توي قىلىمىز دىگەنمۇ يالغان، مەن سىزنى ئەخمەق قىلغان، بۈگۈن سىزگە ئىچىم ئاغرىپ قالدى، ئەقمەق قىلىۋىرىشكە چىدىماي گەپنى ئۇچۇق دىمەكچى، ئەمدى مىنى ئىزدىمەڭ. خوش." سەن گەپلىرىمنى ئاڭلاۋىرىشكە چىدىمىدىڭ، بۇ گەپلەرنىڭ مىنىڭ ئاغزىمدىن چىقىۋاتقىنىغىمۇ ئىشەنمىدىڭ بۇلارنى ھېس قىلىپ تۇرىۋاتاتتىم، لىكىن ئۆزۈمنى تۇتۇپ تۇردۇم. " شەھلا، ئەن ئىشەنمەيمەن، سىز ھەرگىز ئۇنداق قىز ئەمەس، مەن سىزنى خاتا تاللىمىغان، ئۇ گەپلەر چاقچاق شۇنداقمۇ ئېيتىڭە گۈلۈم؟" ئاۋازىڭ تىتىراپ كەتتى، مەنمۇ بۇنىڭ بىر چاقچاق بۇلىشىنى، ئويغانساملا ھىچقانداق ئاسارىتى قالمايدىغان بىر چۈش قاباھەتلىك چۈش بۇلىشىنى ئۈمۈت قىلاتتىم. ئەپسۇس، تولىمۇ ئەپسۇس بۇ قەلبىمنى پىچاق بىلەن تىلغاندەك ئاچچىق ھەقىقەت ئىدى. مەن تېلفۇننى قۇيىۋەتتىمدە، تېلفۇن كارتىسىنى سۇندۇرۇپ كۆلچەككە تاشلىۋەتتىم. شۇنچىلىك قاتتىق تىغلاپ كەتتىمكى، ئەتراپىمدىكى كىشىلەر مىنى ساراڭ بۇلۇپ قالدىمىكىن دەپ قارىشاتتى، لىكىن ئىچىمدىكى دەرت ھەسرىتىمنى بىر اللاھ ئىگەملا بىلەتتى.
www.iz.la
بىر چاغدا يىغلاپ يىغلاپ ھاردىم بولغاي ئورنۇمدىن تۇرۇپ ياتىقىمغا قايتىپ كەلدىم. كەچتە سەن مەس ھالدا ئىشىكىمنىڭ تۆۋىگە كىلىپ ئىشىكنى قاتتىق چەكتىڭ، ۋارقىرايتىڭ، مىنى تىللايتىڭ، ؛" ئىشىكنى ئاچ شەھلا ، سەنمۇ ئادەممۇ، ئىسىت ساڭا قىلغان ئەقىدەم. بۇياققا چىق ۋاپاسىز ۋىجدانسىز ..." خوشنىلاردىن بىرسى چىقىپ ؛" قانداق قىز ئۇ، كىچىلەردىمۇ مەسلەرنى ئىشىك ئالدىدا ساقلىتىپ، ئادەمنى بىزار قىلىپ، ئۇيقۇسىنى بۇزۇپ، ھازىرقى ياشلاردا ھايا قالماپتۇ جۇمۇ" دىگەچ سىنى تارتىپ سىرىتقا چىقىرۋەتكەندىن كىيىنلا ئاندىن ئۇف دىدىم. كىچە يىغلاپلا چىقتىم.
ئەتىسى سەھەر، ئىشلايدىغان يىرىمدىن ئىستىپا سورىدىمدە، ئىجارە ياتىقىمنىمۇ قايتۇرۋىتىپ، نەرسە كېرەكلىرىمنى يۇغۇشتۇرۇپ يۇرتۇمغا قايتىماقچى بولدۇم. ئازغىنە قالغان ۋاقتىمدا بولسىمۇ ئاپام بىلەن تۇرىۋالاي.كىچىكىمدىن دادامدىن يىتىم قالغان ئىدىم. بىچچارە ئاپام مىنى يالغۇر بېقىپ، چوڭ قىلىپ، ئوقۇتۇپ مۇشۇ كۈنگە ئەكەلگەن ئىدى. ئەمدى بولسىمۇ ئەجرىنى ئاقلارمەن دەپ ئويلىغاندا، تەغدىرگە پۈتۈلگەننى كۆرمەي ئىلاج يوق ئىكەن. بىچچارە ئاپام ماڭا قاراپ يۇم-يۇم يىغلايتى، جەينامازادا ئۇزاق-ئۇزاق ئولتۇرۇپ اللاھدىن بىر نىمىلەرنى تىلەيتى، يىغلايتى، پىشانىللىرىمگە سۆيەتتى، ئەمدى بىلدىمكى، ئانا قوينى بىر جەننەت ئىكەن...
تور دۇنياسىدىكى چاقنىغان يۇلتۇز - ئىز تورى!
سىنى كۆرمىگىلى بۈگۈن ساق 3 ئاي بوپتۇ. سەن مىنى ئىزدەپ كېلىپمۇ كۆرىشەلمىگەن ئىدىڭ. ئاپام بۇ ئىشلارنى ساڭا دىمەيدىغانلىققا ۋەدە بەرگەن ئىدى. ئاپام سىنى ئۇنى-بۇنى دەپ يولغا سالاتتى، سەنمۇ نەچچە كىلىپ كەلمىدىڭ. ئاڭلىسام سەن بىلىم ئاشۇرۇشقا يېرىم يىللىق باشقا شەھەرگە كىتىپسەن. بۇمۇ ياخشى بولغىنى، سەن باشقا بىر مۇھىتقا بارغاندا بەلكىم ئىككىمىزگە تەۋە ئەسلىمىلەرنى ئۇنتۇپ كىتەلەيسەن. بەلكىم سەن كەلگۈچە مەنمۇ بۇ دۇنيادىن ئاللاقاچان كەتكەن بولىمەن.قەلىپ جانەڭدىن خۇددى ئاقار يۇلتۇزدەك تېز غايىپ بولماقچىمەن، لىكىن ساڭا بولغان يۈرۈگۈم ئۇ دۇنيادىمۇ ئۆزگەرمەيدۇ. ماڭا ئىشەنگىن، ھايات قاينىمى يۈرەكنى قانچە داۋالغۇتسىمۇ ، يۈرەك يەنىلا ئۆز ساداقەتمەنلىگى بىلەن سۆيگەن يايرىنى ئەسلاشكە قادىر.
ئىز تورى ئىز تورى ئىز تورى ئىز تورى ئىز تورى ئىز تورى ئىز تورى ئىز تور
بىر ئېغىز سۆز_____بىر ئوق ئېتىلدى،
ئىچىمدە بىر جانان چىنە چېقىلدى.
بىرنىڭ ھىكايىمىز ئەمدى باشلانغان.
بەلكىم ئاخىرلاشتى،تۈگىدى،يېپىلدى... ئىز تورىدا ئىزلىرىمىز قالسۇن!
خەتكۈچلەر:
