يېقىنقى كۈنلەردىن بۇيان ، ئىچكى مۇڭغۇلنىڭ كۆپ قىسىم رايونلىرىدا قاتتىق قار يېغىپ ، قارنىڭ قېلىنلىقى 30 سانتىمېتىرغا يەتكەن بولۇپ ، 52 مىڭ 800 ئادەم ، 2 مىليون 14 مىڭ چارۋا ئاپەتكە ئۇچرىغان . بۇ قېتىمقى قار ئالدىنقى يىللارغا سېلىشتۇرغاندا بالدۇر يېغىپ ، تېمپېراتۇرا كۆرۈنەرلىك تۆۋەنلىگەچكە ، ئاپەت رايونىدا تەييارلانغان يەم–خەشەك زاپىسى يېتەرلىك بولمىغان . نۆۋەتتە ، ئاپەت رايونلىرىدا ھاۋا ياخشى بولۇپ ، شۇ يەرلىك ھۆكۈمەت پايدىلىق ھاۋا شارائىتىدىن پايدىلىنىپ ، ۋاقىتنى چىڭ تۇتۇپ ، ئاپەتكە تاقابىل تۇرۇپ ، ئۆز–ئۆزىنى قۇتقۇزۇش خىزمىتىنى ئاكتىپ قانات يايدۇرماقتا .
شەھەر ئاممىسى قېلىن كىيىنىشىپ ، ئاممىۋى ئاپتوبۇستا كېتىۋاتماقتا
27–نويابىر ، ‹‹ مۇز شەھىرى›› دەپ ئاتالغان خاربىن شەھىرىدە قار يېغىپ ، تېمېپراتۇرا ℃ 16– قا چۈشۈپ قالغان . شۇ يەرلىك مېتېئورولوگىيە تارماقلىرىنىڭ ئالدىن مەلۇماتىغا ئاساسلانغاندا ، كەلگۈسى ئۈچ كۈندە ، خاربىن شەھىرىدە تېمېپراتۇرا داۋاملىق تۆۋەنلەيدىكەن .
مۇدەنجياڭ شەھىرىدىكى ئامما قارلىق يولدا كېتىۋاتماقتا
27–نويابىر ، سوغۇق ھاۋانىڭ تەسىر كۆرسىتىشى بىلەن ، خېيلۇڭجياڭ ئۆلكىسىنىڭ خاربىن شەھىرى ، يىچۈن شەھىرىنىڭ جەنۇبىي ، مۇدەنجياڭ شەھىرى قاتارلىق كۆپ قىسىم جايلاردا قار ياغقان ، قىسمەن رايونلاردا قېلىن قار يېغىپ ، تېمېپراتۇرا كۆرۈنەرلىك تۆۋەنلىگەن .
جىلىن شەھىرىدىكى ئامما قاردا كېتىۋاتماقتا
27–نويابىر ، جىلىن ئۆلكىسىنىڭ چاڭجۈن ، يەنبيەن ، بەيشەن ، سىپىڭ، لياۋيۈەن ، سۇڭيۈەن قاتارلىق جايلاردا ئومۇميۈزلۈك ئوتتۇراھال ياكى قېلىن قار يېغىپ ، تېمپېراتۇرا ℃7 ~ ℃9 ئەتىراپىدا تۆۋەنلىگەن . جىلىن ئۆلكىلىك مېتېئورولوگىيە ئىستانسىسى 27–نويابىر سەھەردە سوغۇق ئېقىمدىن مۇداپىئە كۆرۈش كۆك رەڭلىك ئاگاھلاندۇرۇش سىگنبالى تارقاتقان . قارنىڭ تەسىرىدە ، بۇ ئۆلكىنىڭ يۇقىرى سۈرئەتلىك تاشيول قاتنىشى ھەمدە ھاۋا قاتنىشى بەلگىلىك تەسىرگە ئۇچرىغان .
