7-ئاينىڭ 13-كۈنى خۇبېي ئۆلكىسى شېننوڭجيا تەبىئىي قوغداش رايونىدىكى بىر دېھقان تاغدا ئۆسۈملۈك يىغىۋېتىپ غەلىتە تۈك-چاچلارنى بايقاپ قالغان ھەمدە ئۇلارنى رايونلۇق تەتقىقات مەركىزىگە مەلۇم قىلىپ تاپشۇرۇپ بەرگەن . تەكشۈرگۈچى خادىملار بۇ نامەلۇم تۈك-چاچنىڭ كېلىپ چىقىشى ، ماددا تەركىبى ياكى خاسلىقىنى ئايرىيالمىغاندىن كېيىن ئۇنى يۇقىرى دەرىجىلىق تەتقىقات ئورۇنلىرىنىڭ تەكشۈرۈپ بېكىتىشىگە ئۆتكۈزۈپ بەردى .
ئىگىلىنىشىچە بۇ غەلىتە تۈك-چاچلار 50 نەچچە سانتىمېتر ئۇزۇنلۇقتا ، توم ھەم چىڭ بولۇپ ، قارىماققا ھېچقانداق ھايۋاننىڭ تۈكىگە ئوخشىمايدىكەن . ئاخبارات ۋاستىلىرىنى ئەڭ قىزىقتۇرغىنى ئىلگىرى بۇ جايدا كۆپ قېتىم <ياۋا ئادەم> نىڭ پەيدا بولغانلىقى توغرىلىق خەۋەرلەر تارقالغان بولۇپ ، يەنە مۇشۇنىڭغا ئوخشاش غەيرىي تۈك-چاچلار ياكى پەۋقۇلئاددە زور ئاياغ ئىزى دېگەنلەر يىپ ئۇچى بايقالغان .
