ئىسرائىلىيە ئۇگاندا ۋە رىۋاندا مۇساپىرلىرىنى مەخپىي قايتۇرۇۋەتمەكتە

ۋېنسۇئېلا تېلۋىزىيەسىنىڭ 5-ئىيۇل خەۋەر قىلىشىچە، ئامېرىكىنىڭ «ئىدىيە ئىلگىرلىشى» تورى يېقىندا خەۋەر ئېلان قىلىپ، ئۆتكەن بىر يىلدا، ئافرىقا مۇساپىرلىرىغا قارىتا، ئىسرائىلىيە ئۇلارنى ئۆزىنىڭ دۆلىتىگە قايتۇرىۋەتمىدى، ئەكىسچە ئىزچىل مەخپىي ھالدا ئۇگاندا ۋە رىۋانداغا ئەۋەتتى، دېگەن.

خەۋەر قىلىنىشىچە، بۇ كۆپ قىسىمى ئېرىترىيەلىك ۋە سۇدانلىق بولغان كۆچمەنلەرنىڭ ئۇگاندا ۋە رىۋانداغا ئايرىۋېتىلىشى بولسا ئىسرائىلىيەنىڭ «ئۆزى خالاپ قايتىش» سىياسىتى پەيدا قىلغان نەتىجە ئىكەن. ئىسرائىلىيەنىڭ ھۆكۈمەتسىز تەشكىلاتى مۇساپىرلار ۋە كۆچمەنلەر قىزىق لىنىيەسىنىڭ خەۋىرىگە ئاساسلانغاندا، ئىسرائىلىيەدە پاناھلىق ئىزدىگەن 45 مىڭ مۇساپىر ئىچىدە، %92 قىسىمى ئېرىترىيە ۋە سۇداندىن كەلگەن ئىكەن. ئەمما ئۇلار ئادەتتە ھەممىسى پاناھلىق سالاھىيىتى ۋە خىزمەت ئىجازەتنامىسىگە ئېرىشىشكە ئامالسىز قالغان، ئەكىسچە شۇ سەۋەبتىن چېگرادىن قوغلاپ چىقىرىلغان. ئۆتكەن ئىككى يىلدا، 3000 كىشى چېگرادىن قوغلاپ چىقىرىلغان. ئەمما ئۇلار ئۆزىنىڭ دۆلىتىگە قايتۇرۇلمىغان، ئەكىسچە ئۇگاندا ۋە رىۋانداغا قوغلانغان. بۇ ئىككى دۆلەت ئىسرائىلىيەنىڭ ئىتتىپاقدىشى.

ئىسرائىلىيە ھۆكۈمىتى چۈشەندۈرۈپ، بۇ پاناھلىق ئىزدىگۈچىلەر ھەرگىزمۇ مۇساپىر ئەمەس، ئەكىسچە ئەمگەك كۈچى كۆچمەنلىرى، ئۇلار ئىسرائىلىيەدە خىزمەت تاپالمىدى، شۇ سەۋەبتىن ئۆزى خالاپ ئايرىلدى، دېگەن. 

ھۆكۈمەتسىز تەشكىلات خادىمى گەرچە ئۇگاندا ئىزچىل ئاكتىپ مۇساپىرلار سىياسىتى بىلەن ب د ت مۇساپىرلار مەھكىمىسىنىڭ ماختىشىغا ئېرىشكەن بولسىمۇ، ئەمما زور مىقداردىكى قوغلاپ چىقىرىلغۇچىلار ئادەم ئەتكەسچىلىرىنىڭ زىيانكەشلىكىگە ئۇچرىغۇچىلارغا ئايلاندى، بەلكىم قانۇنى ھۆججەت بولمىغانلىقتىن، رەھىمسىز ئېكىسپىلاتاتسىيە قىلىشقا ئۇچرىشى مۇمكىن، دەپ ئىپادە بىلدۈرگەن.

ئىگىللىنىشىچە، ئۇگاندا ۋە رىۋاندا ئىككىلىسى ئىسرائىلىيە بىلەن ئارىسىدا كۆچمەنلەر كېلىشىمى مەۋجۇتلىقىنى ئىتراپ قىلمىغان. ئەمما بەزى خەۋەردە دېيىلىشىچە، ئىككى دۆلەت ئىسرائىلىيەدىن قورال-ياراغ، ھەربىي مەشىق ھەتتا مەبلەغ قوبۇل قىلغان، ئالماشتۇرۇش شەرتى بولسا ئىسرائىلىيە قايتۇرغان مۇساپىرلارنى قوبۇل قىلىش ئىكەن. 

ئىگىللىنىشىچە، ئىسرائىلىيەنىڭ ھۆكۈمەتسىز تەشكىلاتى ئىسرائىلىيەنىڭ ئالىي سوت مەھكىمىسىگە ئەرز سۇنغان. بۇ يىل 9-ئايدا، سوت مەھكىمىسى بىر تۈرلۈك گۇۋاھلىق ئاڭلاش يىغىنى ئۆتكۈزىدىكەن. بۇ سىياسەت بويىچە، مۇساپىرلار ئۇگانداغا ئەۋەتىلىشنى تاللىشى ياكى قولغا ئېلىنىپ ئىسرائىلىيەنىڭ تۈرمىسىگە كىرىشنى تاللىشى كېرەككەن. 

ئەلدىيار تورى ئۈندىدار سالونى : eldiyar99