جۇڭگودىكى ئەڭ چوڭ ئون پۇقراۋى كارخانا بىلەن تونۇشۇڭ

  2. تېڭشۈن، ھازىرقى بازار قىممىتى بىر تىرىليون 105 مىليارد يۈەنگە يېتىدۇ. تېڭشۈن ئۈندىدار بىلەن QQدىن ئىبارەت جۇڭگودىكى ئىككى چوڭ ئىجتىمائىي ئالاقە دېتالىنىڭ ئىگىسى بولۇپ، ئىسمى-جىسمىغا لايىق ئىجتىمائىي ئالاقە ماگناتى دېيىشكە بولىدۇ. گەرچە بۇ ئىككى دېتالنىڭ چەتئەلدىكى كېڭىيىشى ئانچە كۆڭۈلدىكىدەك بولمايۋاتقان بولسىمۇ، لېكىن ئاسىيا رايونىدا يەنىلا بەلگىلىك تەسىر كۈچكە ئىگە.

  3. ئامانلىق سۇغۇرتىسى، ھازىرقى بازار قىممىتى 620 مىليارد يۈەنگە يېتىدۇ. بۇ شىركەت جۇڭگودىكى تۇنجى پاي ئىگىدارچىلىق تۈزۈمىدىكى سۇغۇرتا شىركىتى بولۇپ، ھازىر يەنە پۇل-مۇئامىلە، بانكا كەسپى، مەبلەغ سېلىش قاتارلىق كەسىپلەرنى بىرلەشتۈرگەن پۇل-مۇئامىلە گۇرۇھىغا ئايلاندى.

  4. خۇاۋېي، ھازىرقى بازار قىممىتى 560 مىليارد يۈەنگە يېتىدۇ. خۇاۋېي پەن-تېخنىكا چەكلىك شىركىتى ئالاقە ئۈسكۈنىلىرىنى ئىشلەپچىقىرىش ۋە سېتىشنى ئاساس قىلغان شىركەت بولۇپ ھېسابلىنىدۇ. بۇ شىركەت دۇنيانىڭ ھەرقايسى جايلىرىدىكى تېلېگراف شىركەتلىرىنى قاتتىق دېتال، يۇمشاق دېتال، مۇلازىمەت قاتارلىقلار بىلەن تەمىنلەيدىغان بولۇپ، چەتئەللەردىمۇ زور تەسىر كۈچكە ئىگە.

  5. بەيدۇ، ھازىرقى بازار قىممىتى 370 مىليارد يۈەندىن ئاشىدۇ. بەيدۇ دۇنيادىكى ئەڭ چوڭ خەنزۇچە يېزىقتىكى ئىزدەش ماتورى بولۇپ، 2000-يىلى 1-ئايدا لى يەنخوڭ بىلەن شۈ يوڭ بېيجىڭدىكى جۇڭگۈەنسۈندە قۇرۇپ چىققان. بۇ شىركەت كىشىلەرنى قولايلىق، ئىشەنچلىك ئۇچۇرلارغا ئىگە قىلىشنى مەقسەت قىلغان.

  6. ۋەندا گورۇھى، ھازىرقى بازار قىممىتى 360 مىليارد يۈەنگە يېتىدۇ. ۋەندا گۇرۇھى 1988-يىلى قۇرۇلغان بولۇپ ئۆي-مۈلۈك، ئالىي مېھمانساراي، مەدەنىيەت، زەنجىرسىمان تاللا بازىرى قاتارلىق كەسىپلەر بىلەن شۇغۇللىنىدۇ.

  7. مىنشېڭ بانكىسى، ھازىرقى بازار قىممىتى 330 مىليارد يۈەنگە يېتىدۇ. مىنشېڭ بانكىسى جۇڭگودىكى تۇنجى شەخسلەر مەبلەغچىلىكىدىكى مەملىكەت خاراكتېرلىك سودا بانكىسى، ھەمدە «شىركەت قانۇنى» ۋە «سودا بانكىسى قانۇنى»غا ئاساسەن قۇرۇلغان ئۆلچەملىك پاي تۈزۈمىدىكى پۇل-مۇئامىلە كارخانىسى بولۇپ ھېسابلىنىدۇ.

  8. شياۋمى شىركىتى، ھازىرقى بازار قىممىتى 290 مىليارد يۈەنگە يېتىدۇ. شياۋمى شىركىتى 2010-يىلى 4-ئايدا قۇرۇلغان بولۇپ، ئالىي دەرىجىلىك ئەقلىيفون ئىشلەپچىقىرىشنى ئاساسىي كەسىپ قىلغان تېخنىكا كارخانىسى. بۇ شىركەت گوگىل، مىكروسوفت، جىنشەن قاتارلىق چوڭ شىركەتلەرنىڭ سابىق خىزمەتچىلىرىنى توپلىغان ئىختىساسلىقلار شىركىتى بولۇپ، كەلگۈسى ئىستىقبالى پارلاق.

  9. چۈمۈلە فوندى، ھازىرقى بازار قىممىتى 290 مىليارد يۈەندىن ئاشىدۇ. چۈمۈلە فوندى ئەلى بابا شىركىتىنىڭ تارماق شىركىتى بولۇپ 2014-يىلى 10-ئاينىڭ 16-كۈنى قۇرۇلغان.

  10. جىڭدوڭ تور سودا شەھەرچىسى، ھازىرقى بازار قىممىتى 246 مىليارد يۈەنگە يېتىدۇ. جىڭدوڭ جۇڭگودا ئالدىنقى قاتاردا تۇرىدىغان ئۇنىۋېرسال خاراكتېرلىك توردا پارچە سېتىش شىركىتى بولۇپ، شىركەت قارمىقىدىقى جىڭدوڭ تورى جۇڭگو تور سودىسى ساھەسىدە ئالدىنقى قاتاردا تۇرىدىغان ھەمدە ئىزچىل تۈردە ئىستېمالچىلارنىڭ ياخشى باھاسىغا ئېرىشىپ كەلگەن سودا تورلىرىنىڭ بىرى، بۇ توردا ئائىلە ئېلېكتر ئۈسكۈنىلىرى، رەقەملىك ئۈسكۈنىلەر، كومپىيۇتېر، ئۆي سايمانلىرى، كىيىم-كېچەك، بوۋاقلار مەھسۇلاتلىرى، كىتاب، يېمەكلىك قاتارلىق 12 چوڭ تۈردىكى نەچچە ئونمىڭ داڭلىق ماركا توپلانغان.

ئەلدىيار تورى ئۈندىدار سالونى : eldiyar99