پۇتىن: ئامېرىكىنىڭ بىردىنبىر دەرىجىدىن تاشقىرى چوڭ دۆلەتلىك ئورنىنى قوبۇل قىلىمىز

پۇتىن 17-ئىيۇن سانكت پېتىربورگ خەلقئارا ئىقتىساد مۇنبىرى يىغىنىغا قاتناشقاندا، ئامېرىكىنىڭ سايلام ئىشلىرى ۋە ئامېرىكا-رۇسىيە مۇناسىۋىتىنى تىلغا ئالغان.
پۇتىن: «ئامېرىكا بىر كۈچلۈك دۆلەت، ھازىرمۇ بىردىنبىر دەرىجىدىن تاشقىرى چوڭ دۆلەت بولۇشى مۇمكىن، بىز بۇ نۇقتىنى قوبۇل قىلىمىز، ھەمدە بىز ئامېرىكا بىلەن ھەمكارلىشىشنى ئۈمىد قىلىمىز» دېگەن. بىراق پۇتىن ئۇكرائىنا مەسىلىسىنى تىلغا ئالغاندا ئۇ يەنىلا قەتئىيلىك بىلەن: «دۇنيا ئامېرىكىغا ئوخشاش مۇشۇنداق قۇدرەتلىك دۆلەتكە موھتاج، بىزمۇ ئامېرىكىغا ئېھتىياجلىق، ئەمما بىز ئامېرىكىنىڭ ئۈزلۈكسىز بىزنىڭ ئىشلىرىمىزغا قول تىقىشىغا، بىزگە قانداق قىلىشنى ئۆگىتىشكە، ياۋروپا بىلەن بىزنىڭ مۇناسىۋەت ئورنىتىشىمىزنى توسۇشىغا ئېھتىياجلىق ئەمەس» دېگەن.
پۇتىن ئامېرىكا زۇڭتۇڭ نامزاتى ترامپ ئۈستىدە توختالغاندا، بۇنىڭدىن بۇرۇن ترامپقا بەرگەن ئاكتىپ باھاسىنى قايتا شەرھلەپ مۇنداق دېگەن: «خۇددى مەن ئېيتقاندەك، ترامپ بىر مول مەزمۇنلۇق، رەڭگارەڭ ئادەم، ترامپ رۇسىيە-ئامېرىكا مۇناسىۋىتى ئومۇميۈزلۈك ئەسلىگە كەلتۈرۈش ئۈچۈن تەييارلىق قىلىۋاتقانلىقىنى ئېيتتى، بۇنىڭ بىزگە ھېچقانداق زىيىنى يوق، بىز ئۇنىڭ بۇ كۆز-قارىشىنى قارشى ئالىمىز». 
پۇتىن ھىلارى ئۈستىدە توختالغاندا مۇنداق دېگەن: «ھىلارى دۆلەت ئىشلىرى كاتىپى چاغدا، مېنىڭ ئۇنىڭ بىلەن بىۋاسىتە ئۇچراشقان ۋاقىتلىرىم كۆپ بولمىدى، ئامېرىكا-رۇسىيە مۇناسىۋىتىگە قارىتا، بەلكىم ھىلارىنىڭ ئۆزىگە خاس كۆز قارىشى بولۇشى مۇمكىن، ئەمما كىلىنتون ھاكىمىيەت يۈرگۈزۈۋاتقان ۋاقىتتا، كىلىنتون بىلەن ئىككىمىزنىڭ مۇناسىۋىتى ئىنتايىن ياخشى ئىدى،  مەن ھەتتا شۇنداق دېسەممۇ بولىدۇكى، مەن خەلقئارا سىياسىي ئىشلار بىلەن ئەمدىلا ئۇچراشقان ۋاقتىمدا، مەن ئۇنىڭدىن بىر نەچچە قېتىم مىننەتدار بولغان، كىلىنتون بىر نەچچە قېتىم ماڭا ۋە رۇسىيەگە دىققەت قىلىدىغانلىقىنى ۋە ھۆرمەت قىلىدىغانلىقىنى نامايان قىلغان».

ئەلدىيار تورى ئۈندىدار سالونى : eldiyar99