كىرىستىيانو رونالدو ئىككى مەيدان مۇسابىقىدىن چەكلەندى

تۈرى : تەنتەربىيە يوللىغۇچى : ۋاقتى : 2015-01-29 23:32:26

ئىسپانىيە پۇتبولچىلار بىرلەشمىسى رېپىرلار ھەيئىتى خان مادرىد كۇلۇبىنىڭ ھۇجۇمچىسى كىرىستىيانو رونالدونىڭ 2 مەيدان مۇسابىقىدىن چەكلەنگەنلىكىنى ئېلان قىلدى.

رونالدونىڭ كولدۇۋا بىلەن بولغان مۇسابىقىدە يېگەن قىزىل كارتىسىغا قارىتا ئىسپانىيە رېپىرلار ھەيئىتى رونالدوغا ئىككى مەيدان مۇسابىقىدىن چەكلەش قارارىنى چىقاردى. س لو بۇ ئارقىلىق خان مادرىد كۇلۇبىنىڭ خانلىق جەمئىيەت كۇلۇبى ۋە سالۋىيا كۇلۇبى بىلەن بولغان مۇسابىقىگە قاتنىشالمايدۇ. مادرىد رىقابەت كۇلۇبى بىلەن بولغان مۇسابىقىدە س لو مەيدانغا چىقالايدۇ.

رېپىرنىڭ مۇسابىقىدىن كېيىنكى دوكلاتىدا ئېيتىشىچە س لو نىڭ مۇسابىقە جەريانىدىكى ھەرىكىتى « توپ يوق ئەھۋالدا ئادەم تېپىش » دەپ قارالغان. ئۇنىڭ ھەرىكىتى « قەستەن ھۇجۇم قىلىش » بولنىغانلىقى ئۈچۈن چوقۇم 4 مەيداندىن يۇقىرى مۇسابىقدىن چەكلەنمەيتتى. چۈنكى ئىسپانىيە پۇتبولچىلار جەمئىيىتىنىڭ ئىنتىزام بەلگىلىمىسىنىڭ 58-ماددىسىدا قەستەن ھۇجۇم قىلىش ھەرىكىتى سادىر قىلسا 4 مەيداندىن 12 مەيدانغىچە ياكى 6 مەيداندىن 15 مەيدانغىچە مۇسابىقىدىن چەكلىنىدۇ. ھەتتا يۇقىرى بولغاندا 6 ئايدىن 8 ئايغىچە مۇسابىقىدىن چەكلىنىدۇ دەپ بەلگىلەنگەن.

بۇنىڭدىن قارىغاندا رېپىر س لو نىڭ بۇ خىل ھەرىكىتىنى قەستەن ھۇجۇم قىلىش دەپ بېكىتمەستىن قوپاللىق قىلىش دەپ بېكىتكەن. بۇ مۇسابىقە پەسلىدە س لو غا ئوخشاش ھەرىكەت سادىر قىلغانلارمۇ ئوخشاشلا ئىككى مەيدان مۇسابىقىدىن چەكلەش جازاسىغا ئۇچرىغانىدى.

ئەلدىيار تورى ئۈندىدار سالونى : eldiyar99