رونالدو خانلىق مادرىد ھاياتىدىكى ئەڭ ناچار نەتىجىنى ياراتتى

رونالدو خانلىق مادرىد ھاياتىدىكى ئەڭ ناچار نەتىجىنى ياراتتى

 نۇر تورى تەرجىمىسى: 

خانلىق مادرىد كوماندىسى 2 : 1 نەتىجە بىلەن گىرانادا كوماندىسىنى تەستە مەغلۇب قىلغان مۇسابىقىدە، پورتۇگالىيەلىك چولپان كىرىستىيانو رونالدو يەنە «ئاق قەغەز» تاپشۇردى. زىدانى خانلىق مادرىد كوماندىسىغا مەشقاۋۇل بولغاندىن بۇيان كىرىستىيانو رونالدو تېخى مېھمان مەيداندا توپ كىرگۈزۈپ باقمىدى. ئىسپانىيە تاراتقۇسى «ئاس گېزىتى» مۇنداق دېدى: «ئەگەر بۇ پەسىل كىرىستىيانو رونالدونىڭ كىرگۈزگەن توپىنى چىقىرىۋەتكەندە، خانلىق مادرىد پەقەت ئىككى نومۇرنى ئاز ئالىدۇ» پەسىللىك مۇسابىقە ھازىرغا قەدەر، كىرىستىئانو رونالدو جەمئىي 29 مەيدان مۇسابىقە ئوينىغان بولۇپ، بۇنىڭ ئىچىدە 14 مەيدان مۇسابىقىدە توپ كىرگۈزگەن. توپ كىرگۈزۈش ئۈنۈمى %48.2 بولغان. بۇ كىرىستىيانو رونالدونىڭ خانلىق مادرىد ھاياتىدىكى ئەڭ ناچار سان-سىفىر ھېسابلىنىدۇ. ئىلگىرىكى ئەڭ ناچار نەتىجىسى 2010-2011-مۇسابىقە پەسىلدىكى %51.8 ئىدى. باشقا مۇسابىقە پەسلىنىڭ ھەممىسدە %60 تىن ئېشىپ كەتكەن. 2013-2014-مۇسابىقە پەسىلدە ھەتتا %72 گىمۇ چىققان. 

 كىرىستىيانو رونالدو 29 مەيداندا 30 توپ كىرگۈزدى، توپ كىرگۈزۈش ئۈنۈمى ئۈنۈمى بىر مەيدانغا بىردىن ئېشىپ كېتىدۇ. ئەمما ئۇ پەقەت 14 مەيدان مۇسابىقىدە توپ كىرگۈزدى. بۇ ئۇنىڭ ئىپادىسىنىڭ تۇراقلىق بولمىغانلىقىدىن دېرەك بېرىدۇ. كۈچلۈك كوماندىلار بىلەن ئۇچراشقاندا «غايىب بولۇش» بۇنىڭ تىپىك مىسالى بۇلالايدۇ. 30 توپنىڭ ئىچىدە ئىسپانىيەلىكلەر كوماندىسىغىلا سەككىز توپ ئۇردى. ياۋروپا چېمپىيونلۇق بىرلەشمە مۇسابىقىسىدىكى رەقىبى مالمو كوماندىسىغىمۇ ئالتە توپ ئۇردى. بارسېلونا، بېلباۋ رىقابەت، مادرىد رىقابەت، سېۋىللا، ۋالېنسىيە ۋە ۋىللارىيال قاتارلىق كۈچلۈك كوماندىلار بىلەن ئوينىغاندا بىرمۇ توپ ئۇرالمىدى. يېشىنىڭ چوڭىيىشى ۋە ئىپادىسىنىڭ چېكىنىشىگە ئەگىشىپ يېقىندىن بۇيان كىرىستىيانو رونالدونىڭ خانلىق مادرىد كۇلۇبىدىن ئايرىلىش خەۋىرى توختىماي چىقىۋاتىدۇ. بىر نەچچە كۈننىڭ ئالدىدا ئۇ ئېنىق قىلىپ مۇنداق دېدى: «كۇلۇب بىلەن تۈزگەن توختامىمىغا ئەمەل قىلىمەن، مېنىڭ توختامىم 2018-يىلى ئاخىرلىشىدۇ، شۇ ۋاقىتتا كېيىنكى ئىشلارنى ئويلىشىمەن».

ئەلدىيار تورى ئۈندىدار سالونى : eldiyar99