ھامىلىدار  ئاياللار  زۇكام  تېگىپ  قالسا،  ھامىلىگە  تەسىر  يېتىشتىن  ئەنسىرەپ،  دورا  يېيىشكە  جۈرئەت  قىلالمايدۇ.  ئەمما  قورساق  كۆتۈرگەن  دەسلەپكى  مەزگىلدە  زۇكام  تەسىرىدە  قىزىپ  قالسا،  ھامىلە  مېڭە  ھۈجەيرىسىنىڭ  يېتىلىشىگە  تەسىر  يېتىدۇ.  شۇڭا،  ھامىلىدار  ئاياللار  زۇكام  بولۇپ  قالغاندا،  بىر  تەرەپتىن  دوختۇرنىڭ  كۆرسەتمىسى  بويىچە  دورا  ئىشلىتىپ،  يەنە  بىر  تەرەپتىن  زۇكامنىڭ  دەسلەپكى  مەزگىلىدە  تۆۋەندىكى  ئۇسۇللارنى  قوللانسىمۇ،  زۇكامنى  داۋالىغىلى  بولىدۇ:

1)  زۇكامنىڭ  دەسلەپكى  مەزگىلىدە  كېكىردەك  قىچىشىپ  ھەم  ئاغرىسا،  دەرھال  تۇز  سۈيى  بىلەن  ئېغىز  ۋە  گالنى  10  مىنۇتتا  1  قېتىمدىن  10  قېتىم  ئەتراپىدا  چايقىسا،  شىپا  قىلىدۇ.
2)  توخۇ  شورپىسى  ئىچسە،  زۇكام  بىلەن  بىللە  پەيدا  بولغان  بۇرۇن  پۈتۈپ  قېلىش،  بۇرۇندىن  سۇ  ئېقىش  قاتارلىقلارغا  مەنپەئەت  قىلىدۇ  ھەمدە  نەپەس  يولىدىكى  ۋىرۇسلارنى  يوقىتىدۇ.  شورپىغا  ئازراق  زەنجىۋىل  سېلىۋەتسە  ئۈنۈمى  تېخىمۇ  ياخشى  بولىدۇ.
3)  كۈندە  3  قېتىم  ئىستاكانغا    42    سېتلسي  گرادۇس  ئەتراپىدىكى  ئىسسىق  سۇنى  قۇيۇپ،  ئىسسىق  ھورنى  سۈمۈرسە،  شىپا  قىلىدۇ.
4)  يۆتىلىپ  قالغاندا،  1  دانە  تۇخۇمنى  چېقىپ،  ئازراق  ئاق  شېكەر  ۋە  زەنجىۋىلنىڭ  سۈيىنى  ئارىلاشتۇرۇپ،  يېرىم  ئىستاكان  قايناقسۇغا  قوشۇپ،  2  -  3  قېتىم  ئىچسە،  شىپا  قىلىدۇ.