بۇ يازمىنى ئاخىرىدا گۈلمھرە تەھرىرلىگەن. ۋاقتى 2014-12-24 09:11
مەن سۆيىمەن سېنى ئەبەدكە
گۈلمېھرە
بۇ كۈنلەرنى ئۆتكۈزەي قانداق ،
سېنى ئۇنتۇش تەس بولدى ئەجەپ .
سەزمىدىڭمۇ سۇلغۇن ئەپتىمدىن ،
ئازاپ بىلەن يۈردۈم سېنى دەپ .
ئۆتتى كۈنلەر ئازاپ ئىچىدە ،
ھەر نەپەستە بولدى چارچاش يار .
تەن بەرگۈم يوق بۇ كەچمىشلەرگە ،
قىلمايتىم ھەم ئۇنى ئىختىيار .
قاراپ قالدىم كەينىڭىدىن ئۇزاق ،
مېنى راستىن كەتتىڭمۇ تاشلاپ .
ئۆتەرمەنمۇ ئەمدى بىر ئۆمۈر ،
سېنىڭ ئۈچۈن كۆزۈمنى ياشلاپ .
ئۇزاتقاندا سېنى يىراققا ،
ئىزتىراپتا ئۆتتى ھەر كۈنۈم .
سەنمۇ مەندەك بولساڭ بىلەتتىڭ ،
جۇدالىقنىڭ دەردىنى گۈلۈم .
مەن چۈشەندىم مۇھەببەت ئەسلى ،
خاس ئەمەسكەن بىرلا يۈرەككە .
قىلالمىدىم سۆيگۈمنى ئىزھار ،
كۆيەلمىدىم سەندىن بۆلەككە .
شۇ ئازاپلىق كۈنلەر ئۇنتۇلماس ،
تەقدىر بىزنى قويدى ھەسرەتكە .
ئايرىلساقمۇ گەرچە بىر مەھەل ،
مەن سۆيىمەن سېنى ئەبەدكە ....
2014 - يىلى 23 - دىكابىر قەشقەر . | 
[ئۇلانما كۆچۈرۈش]
شۆھرەت
تۆھپە
تىللا
قىزغىنلىق
ۋاقتى: 2014-12-23 16:20:25
ۋاقتى: 2014-12-23 21:49:37
ئىگىسى
