شىرىن چۈشتەك بولدى ئايرىلىش

گۈلمھرە

شىرىن چۈشتەك بولدى ئايرىلىش



گۈلمھېرە



ئاپئاق كېچە ، ئاق قارلىق دالا ،
ئۆرتىنىدۇ  يۈرىكىم تەنھا .
ئەزمەكتە ھەم مۇز تۇتقان كارۋات ،
لەھەت ئىچرە ئاتقاندەك گويا .



يىگانىمەن بوزلىغان قۇشتەك ،
ۋۇجۇدۇمغا ئازاپ ھۆكۈمران .
زۇلپىقاردەك ئازاپ تىرنىقى ،
ئاققۇزماقتا يۈرىكىمدىن قان .


كۆكتە يوقتۇر بىر پارچە بۇلۇت  ،
لىكىن لەپ - لەپ چۈشمەكتە ئاق قار .
شىرىن چۈشتەك بولدى ئايرىلىش ،
قىزلگۈلدەك توزىغاچ نىگار ...

مەنبە : مەن
2014 -يىلى 14  دىكابىر .  

مەرىپەت

بۇ شئېرىڭىزمۇ ياخشى چىقىپتىغۇ، يارايسىز، يەنىمۇ ياخشى شئېرلارنى  يېزىپ تۇرىشىڭىزغا تىلەكداشمەن.

بۆركۈت

    بۇ تېمىڭىزمۇ بەلەن چىقىپتۇ . بىراق ، 1-كوبلىتنىڭ 3،4-مىسراسى يەنى :
                   " ئەزمەكتە ھەم مۇز تۇتقان كارۋات ،
                    لەھەت ئىچرە ئاتقاندەك گويا ."
    دېگەن مىسرالار تازا ماسلاشمىغاندەك تۇرىدۇ . بەلكىم مەن شۇنداق ھىس قىلغاندىمەن .

گۈلمھرە

بۆركۈت يوللىغان ۋاقتى  2014-12-15 13:18
بۇ تېمىڭىزمۇ بەلەن چىقىپتۇ . بىراق ، 1-كوبلىتنىڭ 3،4-مى ...

ياخشى تەكلىپ بوپتۇ ،رەھمەت
مەن بۇ مىسرالارغا يەنە بىر ئىشلەپ باقاي .

sazgum

ياخشى يىزىپسىز بارىكاللا سىڭلىم.داۋاملىق يىزىپ تۇرغايسىز.

ئەجەپ تاركەن ئىچىڭىز شۇنداق،
يالغۇز ياتقان پەقەتلا سىزمۇ؟
كارۋات ئەمەس ھەتتا جاھاننى،
مېھىر بىلەن ئىللىتارسىزغۇ

قېنى دوستۇم تېرىشىپ بىقىڭ؟
قولتۇتۇشۇپ باقايلى بىزمۇ.
مېھرى ۋاپا ئەقىدىمىزدىن،
گۈللەر ئۈنسە سۆيىنىمىزغۇ.

مىراس ئەمەس ئەزەلدىن بىزگە،
مۇزلاپكەتكەن تاق كىشلىك كارۋات،
سەۋىر قىلىپ كۈتسەك نىگارنى،
ھاسىل بولغاي بىر كۈنى مۇرات.

گۈلمھرە

رەھمەت سىزگە !
مۇكاپاتلاپسىز .