ساۋاقداش

tursun123

ساۋاقداش

ئابلىمىت سەيدالىم

[   
شۇ مەكتەپ،شۇ سىنىپ،پارتا،ئورۇندۇق،
بىز ئۈچۈن ئۇنتۇلماس مەڭگۈلۈك سىرداش.
قول تۇتۇپ قوشماقتەك ئۆتكەن ئىدۇق بىز،
سىردىشىپ قانماستىن بولۇپ قېرىنداش.



بىلىمنىڭ بۇلىقى مەكتەپ  بىز ئۈچۈن،
چاڭقىغان دىللارغا كەتكەن ئۇ سىڭىپ.
بۈگۈنمۇ جەم بولدۇق شادلىق ئىلكىدە،
سېغىنىش ئوتىنى يۈرەككە تېڭىپ.



ياشلىق ھەم بالىلىق قالدى يىراقتا،
ئۆي تۇتۇپ ئاتا ھەم ئانا بوپ قالدۇق.
ئۇستازنىڭ سازىنى ئەمدى بىز چېلىپ،
ئەۋلات قەلبىدىن شەكسىز ئورۇن ئالدۇق.



ساۋاقداش مېھرى ئۇ يېقىلغان چىراغ،
ئىناقلىق بابىدا ئۆچمەيدۇ ئەبەد.
ئاتلانساق يەڭ تۈرۈپ قۇتلۇق سەپەرگە،
چىن دوستلۇق بىز ئۈچۈن بېرىدۇ مەدەت.



ئويناڭلار، كۈلۈڭلار ئاقىنىم ئوچۇق،
سېخىيلىق چولپىنى گۈزەل دىيارىم.
شاۋقۇنلۇق بىر دەريا تۇرىدۇ چىللاپ،
شۇ دەريا بويىدا ئۆتكەن ھاياتىم.



مېھنەتنىڭ سازىنى چالغىن ساۋاقداش،
بەرىكەت يامغۇرى ياغسۇن چىلىقلاپ.
باشلارغا قىراۋلار قونۇپتۇ بۇ دەم،
كۈلىدۇ نەۋرىمىز ئەتە ۋىلىقلاپ.



شادلىقىم نەزمەمگە كەتكەچكە سىڭىپ،
قەلىمىم قۇرلادا كەتتى ئادىشىپ.
جەم بولۇش پۇرسىتى بىز ئۈچۈن قىممەت،
كۈلەيلى كۈلكىمىز كەتسۇنتاغ ئېشىپ.

tursunjan

ياخشىكەن خورازدىكى خو

سىرداش

ناھايىتى ياخشى يېزىپسىز  رەھمەت سىزگە

ئوغلانبەگ

شېئىرىڭىزنى ئوقۇپ،ئون نەچچە يىل بۇرۇنقى ئوقۇغۇچىلىق ھاياتىم ۋە ساۋاقداشلىرىمنى چوڭقۇر سېغىندىم رەھمەت سىزگە! ياخش يېزىپسىز،يەنىمۇ تىرىشىڭ.

تۇرخان

ئاجايىپ ياخشى شىئىر ئىكەن بۇ--يەنمۇ تىرشىڭ