| 1. بېشى قايغان تەرەپكە ماڭماق
بۇ پىلانسىز، نىشانسىز ئىش قىلىدىغان، يول يۈرۈشتە ئېنىق مەنزىلى بولمىغان، ئەقىل ئىشلەتمەيدىغان دىگەن مەنىلەرنى بىلدۈرىدۇ.
2 . قىن-قىنىغا پاتماي قېلىش
بۇ خوشاللىقىدىن ياكى باشقا سەۋەپلەر بىلەن نورمال ھالىتىنى يوقۇتۇپ، ئۆزىنى باشقۇرالمىغان دەرىجىدە ئېشىۋىلىش،خۇشال بولۇپ كېتىش دىگەن مەنىنى بىلدۈرىدۇ.
3.ئىشنىڭ تېگى
بۇ ئىشنىڭ ماھىيىتى، خاراكتېرى، مەقسىتى دىگەن مەنىلەرنى بىلدۈرىدۇ.
4. ئىچى ئاداپ كېتىش
بۇ ھەسەتخورلۇق تۈپەيلىدىن باشقىلارنىڭ نەتىجىسىگە نىسبەتەن چىدىماي قېلىش، كۆرەلمەسلىك دىگەن مەنىلەرنى بىلدۈرىدۇ.
5.ئوت ئۈستىگە ياغ چاچماق
بۇ باشقىلارنىڭ خاپىلىقى ياكى قايغۇ-ئەلەملىرىگە تەسەللى بەرمەستىن ، بەلكى تېخىمۇ كۈچەيتىپ ئازابىنى كۈچەيتىشدىگەن مەنىلەرنى بىلدۈرىدۇ.
6. سوكال قۇيرۇق
بۇ سىرتقى قىياپىتىدىن تەمكىنى يوق، ئالدىراقسان، تەنتەك كۆرۈنىدىغان، باشقىلارغا ياخشى تەسىر بىرەلمەيدىغانكىشىلەرنى كۆرسىتىدۇ.
7. ئاغزىنى تۇۋاقلىماق
بۇ بىر قىسىم ئۆزىنىڭ گېپىنىلا راست قىلىپ باشقىلارغا گەپ بەرمەي سۆزلەيدىغان كىشىلەرگە قايىل قىلارلىق توغرا ۋە دەل جايىدا رەددىيە بېرىپ، توختىماي قىلىۋاتقان سۆزىنى توختۇتۇپ قويۇش دىگەن مەنىنى بىلدۈرىدۇ.
8. قۇلىقى ئۇزۇن
بۇ ئۇچۇرغا باي، خەۋەرگە ماھىر دىگەن مەنىگە ئىگە.
9. بىر ياقىدىن باش چىقارماق،
بىر يەڭدىن قول چىقارماق.
بۇ ئىتىپاقلاشماق، بىرلەشمەك، ئۇيۇشماق دىگەن مەنىلەرنى بىلدۈرىدۇ.
10. ئۆپكىسى يوق.
بۇ ئالدىراڭغۇ، تەنتەك، ئاچچىقى كەلسە كۆزىگە ھىچنىمە كۆرۈنمەيدىغاندىگەن مەنىلەرگە ئىگە.
11. چۈجىنى كۈزدە ساناڭ.
بۇ ھەرقانداق ئىشتا نەتىجىگە قاراپ، ئالدىراپ يەكۈن چىقارماڭ دىگەن مەنىنى بىلدۈرىدۇ.
12. تومۇرىنى تۇتۇپ بېقىش.
بۇ رايىنى سىناپ بېقىش، كۆڭلىنى بىلىپ بېقىش، خاراكتېر ئالاھىدىلىگىنى ئىگىلەپ بېقىش دىگەن مەنىلەرنى بىلدۈرىدۇ.
13. ئاسماندىكى غازنىڭ شورپىسىغا نان چىلىماق.
بۇ ئەمەلگە ئېشىش مۈمكىنچىلىگى ناتايىن بولغان ئىشقا نىسبەتەن ئۈمىد باغلىماق، خام خىيال قىلماق دىگەن مەنىدە.
14. پىشانىسىنى سىلاپ باقماق.
بۇ ئۆزىدىمۇ شۇ خىل ئىللەتنىڭ بارلىقىنى بىلىش كىرەك دىگەن مەنىدە.
15. قولى قىسقا.
بۇ كەمبەغەل، نامرات، پۇلى يوق دىگەن مەنىدە.
16. چاي ئىچۈرمەك.
قىزنى ئوغۇلغا پۈتۈشۈپ، رەسمىيەت ئۆتۈمەك دىگەن مەنىنى بىلدۈرىدۇ.
|
|
شۆھرەت
تۆھپە
تىللا
قىزغىنلىق
ۋاقتى: 2013-8-15 10:28:33
ۋاقتى: 2013-8-15 13:16:32
ۋاقتى: 2013-8-15 14:43:09