2014-يىلى 6-ئاينىڭ 6-كۈنى خېنەن جېڭجۇدا 19 ياشلىق بىر قىز تورخۇمارلىقنى تاشلاش مەكتىپىدە مەشىق قىلىۋاتقاندا قازا قىلغان, ئوخشاش ياتاقتىكى قىز ھاياتىدىن ۋاز كېچىپ ئۆزىنى مېيىپ قىلىۋالغانلىقتىن دوختۇرخانىغا ئاپىرىلغان.

5-ئاينىڭ 19-كۈنى كەچتە جېڭجۇ بوچىياڭ يېڭى ئۇقۇم تۇرمۇش تەربىيەلەش مەكتىپىدە, بىر نەچچە سائەتلىك«تەربىيەلەش»نى قوبۇل قىلغاندىن كېيىن, 19 ياشلىق قىز لىڭلىڭ ئۆزىنى ئۆلتۈرىۋالغان, 14 ياشلىق قىز شىنشىن ئۆزىنى مېيىپ قىلىۋالغان.
بۇ ئاتالمىش« مەسىلە بار ياش ئۆسمۈرلەر ئەسلى مائارىپىدىكى بىرىنچى ماركا» بولغان مەكتەپ, بىر قىسىم ئاتا-ئانىلارنىڭ نەزىرىدە پەرزەنىتلىرىنى ئۆزگەرتىدىغان ياخشى مەكتەپ. ئەمما شىنشىننىڭ ئۆز كۆزىدە كۆرگىنى بىر ياۋايى مائارىپ«دوزاخ دەرىسخانىسى»دىن ئىبارەت.

ئۆز كۆزى بىلەت كۆرگۈچى شىنشىننىڭ بايان قىلىشىچە, شۇ كۈنى كەچتە لىڭلىڭ كەچ سائەت 8:00 دىن ئاشقاندا «مەشىقلەندۈرۈش»كە چاقىرتىپ ئېلىپ كېتىلگەن, سائەت 10:00 غا يېقىن ئۆزىمۇ چاقىرتىلغان. ئەڭ دەسلەپتە مايەنفېي ۋە بىر ئەر ئوقۇتقۇچى, كېيىن ئۈچ ئەر مەشقاۋۇل قوشۇلغان. مەشىق تۈرى بولسا«ئالدىچە يىقىتىش» ۋە «ئارقىچە يىقىتىش».
«ئارقىچە يىقىتىش» تا بولسا بىر قانچە مەشقاۋۇل لىڭلىڭنىڭ بىلەك ۋە پۇتىدىن تۇتۇپ ئۇنى ئېگىز كۆتۈرۈپ دۈمبىچىلاپ تۇيۇقسىزلا يەرگە تاشلىغان. دەسلەپتە ئۇلار توپا يەرگە تاشلىغان, كېيىن سىمونىت بىتون يەرگە تاشلىغان.

بۇ مەزگىلدە شىنشىن بىلەن لىڭلىڭ كۆپ قېتىم تىزلىنىپ تۇرۇپ مايەنفېيدىن ئۆتۈنگەن, ئەمما قەتئىي قوبۇل قىلمىغان, ھەمدە«يىقىلىپ ئۆلمىسەڭ داۋاملىق يىقىل» دىگەن. شىنشىن بولغان ئىشلارنى ئەسلەپ, تەخمىنەن11:00 لەر ئەتىراپىدا, مەجبۇرىي« ئارقىچە يىقىتىلغان» لىڭلىڭ قان تۈكۈرۈشكە باشلىغان, ئەمما ئۇ دوختۇخانىغا ئاپىرىلىپ قۇتقۇزۇلمىغان. ئۇلار ئۇنى يالغان ئۆلىۋالدى دىدى, ھەمدە تېخىمۇ كۈچەشكە باشلىدى. خېلى ئۇزۇندىن كېيىن, ئۇنى ھەرقانچە تەپسىمۇ ئويغانمىغاندىن كېيىن ئاندىن لىڭلىڭنى ياتاققا ئاپىرىپ قويۇشتى, ئۇ مېنىڭ كۆز ئالدىمدا ئۆلدى. شىنشىن مېنىڭچە ئەينى ۋاقىتتا يەردە يېتىپ ھېچقانداق ئاۋاز چىقارمىغان لىڭلىڭ ئاللىقاچان ئۆلگەن دەپ قارىغان.

لىڭلىڭ قازا قىلغاندىن كېيىن, ئاتا-ئانىسى ئىلگىرى مەجبۇرىي كىرگۈزۈپ قويغان بوچىياڭ مەكتىپىدىكى نۇرغۇنلىغان ئوقۇغۇچىلار دېرىزىدىن سىرتقا ئۈستىگە« مېنى قۇتقۇزۇڭلار»,« مەن ئۆيگە قايتىپ كېتىمەن, مەن قورقتۇم»,« ئوقۇتقۇچىلارغا ئېيتماڭلار», «چىقىپ كەتكەندىن كېيىن سىلەرگە جاۋاب قايتۇرىمەن»...دىگەندەك خەتلەر يېزىلغان, كەينىگە تېلفون نومۇرى يېزىلغان قۇتقۇزۇش تەلەپ قىلىش ۋاراقلىرىنى تاشلىغان.

تىلۋىزىيەدىكى جېڭجۇ بوچىياڭ مەكتىپىنىڭ تەشۋىقات ماتىرىيالىدىن قارىغاندا, بۇ مەكتەپ مەخسۇس 8-17 ياشقىچە بولغان تورخۇمار, مەكتەپتىن بىزار بولىدىغان, بالدۇر مۇھەببەتلەشكەن, ئۆيدىن چىقىپ كەتكەن بالىلارغا قارىتىلغان, ئۆزىنى «مەسىلە بار ياش ئۆسمۈرلەر ئەسلى مائارىپىدىكى بىرىنچى ماركا» دەپ ئاتىۋالغان.