بىر قىسىم ئاتا-ئانىلار بالىلىرىنىڭ ئۆزى ياخشى كۆرگەن نەرسىلىرىنى دائىم باشقىلارغا بېرىۋېتىشىدىن تەئەججۈپلىنىشى مۇمكىن.

ھەقىقەتەنمۇ بەزى بالىلار ئاتا-ئانىلىرىغا يىغلاپ-قاقشاپ يۈرۈپ ئالغۇزغان نەرسىلىرىنى بىر نەچچە كۈن ئۆتە-ئۆتمەيلا دوستلىرىغا بېرىۋېتىدۇ. ئاتا-ئانىسى سوراپ قالسا يوقىتىپ قويدۇم دەپ يالغان ئېيتىشتىنمۇ يانمايدۇ. يەنە بەزى بالىلار تېخى كۈندە دېگۈدەك ئاتا-ئانىسىدىن پۇل ئېلىپ دوستلىرىغا خەجلەپ بېرىدۇ. نورمال ئەھۋال ئاستىدا بالىلار ئوتتۇرىسىدىكى دوستلۇق مۇناسىۋىتىدە بۇنچىلىك ئىشلار بولۇپ تۇرىدۇ. بالىلار دوستلىرى بىلەن ھەقىقىي دوستلۇق ئورنىتىدۇ، بىر–بىرىدىن ھېچنەرسىسىنى ئايىمايدۇ، ھەتتا ئۆزلىرى ئەڭ ياخشى كۆرگەن نەرسىلىرىنىمۇ دوستلىرىغا بېرىۋېتىشتىن يانمايدۇ.

ئەمما بىر قىسىم بالىلاردا بۇخىل ئەھۋال ئۆز ماھىيىتىدىن چەتنەپ كەتكەن بولۇپ، ئۇلار قەستەن باشقىلارغا بىرىش ئۈچۈن ئاتا-ئانىسىغا نەرسە ئالدۇرىدۇ. بەزىدە تېخى ئۆيىدىكى مۇھىم نەرسىلەرنىمۇ ئاتا-ئانىسىدىن سورىماي دوستلىرىغا بېرىۋېتىدۇ (بەزى ئائىلىسىنىڭ ئىقتىسادى ئەھۋالى ناچار بالىلارمۇ شۇنداق قىلىدۇ). بۇ خىل بالىلارنىڭ ئومۇمىي ھالىتىنى تەھلىل قىلساق، ئۇلار ئاساسەن كوللېكتىپ ئىچىدە ئانچە كۆزگە چېلىقىپ كەتمەيدىغان، ئۆگىنىشكە قىزىقمايدىغان، يۈرەكسىز، باشقىلار قىلغان ئىشلارنى دەماللىققا قىلىپ كېتەلمەيدىغان، ئىچ مىجەز بالىلاردۇر. بۇ ئالاھىدىلىكلەر شۇ بالىنى يالغۇز قىلىشقا قىستايدۇ، ئادەتتىمۇ بالىلار يالغۇز قىلىشتىن قورقىدىغان بولغاچقا، ئەتراپىدا ئادەم كۆپ تۇرۇپمۇ يالغۇزسىراش، چەتكە قېقىلىش ئەلۋەتتە ئۇلارنى قىينايدۇ.

بۇنداق ئەھۋالدا بالىلار ھەرخىل ۋاسىتىلەرنى قوللىنىپ باشقىلارنىڭ دىققىتىنى ئۆزىگە تارتىشقا، يالغۇز قالماسلىققا ئۇرۇنىدۇ، يەنى كۈندە يېڭى ئويۇنچۇق، ياخشى يېمەكلىكلەرنى ئېلىپ كېلىش ئارقىلىق باشقىلارنى ئۆزىگە قارىتىپ ئۇلارنىڭ ياخشى مۇئامىلىسىگە ئېرىشىپ ئۆزى بىلەن ئويناشقا قىزىقتۇرىدۇ. بۇ خىل ئۇسۇل ئەلۋەتتە ياخشى ئۈنۈم بېرىدۇ. بىللە بىر نەرسە يېيىش، ئويۇنچۇقلارنى بىرگە ئويناش جەريانىدا ئۇنىڭ يېنىدا ئۆزى بىلەن بىرگە ئوينايدىغان، گېپىنى قىلىدىغان دوستى بولىدۇ، يالغۇز قالمايدۇ. شۇڭا بۇنداق بالىلار خۇشاللىققا ئېرىشىش ئۈچۈن ئۆز مەنپەئىتىنى باشقىلاردىن كېلىدىغان خۇشاللىققا تېگىشىدۇ، ئاتا-ئانىسىغا زورلۇق قىلىپ نەرسە ئالدۇرىدۇ، پۇل سورايدۇ، ئاتا-ئانىلار ئۇلارنىڭ تەلىپىنى رەت قىلسا، مەكتەپكە بارمايدىغانلىقىنى دەستەك قىلىپ، ئاتا–ئانىسىغا تەھدىت سالىدۇ. بۇنداق شارائىتتا ئاتا–ئانىلارمۇ ئىلاجسىز پەرزەنتىنىڭ دېگىنىنى قىلىپ بېرىدۇ.

(تەھرىر : سەپەر)

• بالىلىق ھەققىدە ھىكمەتلەر
• بەزى بالىلار نېمە ئۈچۈن ئۆزى ياخشى كۆرگ
• ھەربىربالا-بىر ۋەتەن
• يان تېلېفون بالىلارغا نېمىلەرنى ھەدىيە
• ھىكايە سۆزلەپ بالىلارنىڭ بىلىمىنى كېڭە
• مودا قوغلىشىش ۋە ئۇنىڭ پەرزەنتلەرگە تەس
• بالىلارنىڭ ئەقلى قابىلىيىتىگە تەسىر قى
• قانداق قىلغاندا بالىلىرىمىزدا كىتاب ئو
• بالىلارنى ئەھمىيەتسىز كارتون فىلىملەر
• بالا تەربىيسىدە مۇنۇ ئىشلارمۇ سەمڭىزدە
• ئەقىل بۆلۈنمىسى 160 بولغان ئاجايىپ ئەقىل
• تەشۋىشلىنىش كېسىلىگە ئاسان گىرىپتار بو
• ئورۇنسىز جىدەل قىلغان بالىلارغا قانداق
• بوۋاقلارنىڭ كېچىلىك ئۇيقۇسىنى قانداق ي
• بوۋاق ئانا سۈتىدىن زېرىكسە قانداق قىلىش
• ھامىلدارلىق مەزگىلىدىكى ئوزۇقلىنىش بال