بالا تەربىيەلەشتە ئاتا–ئانىلار تۇنجى جاۋابكار

 ئابدۇقادىر ئابلىز

   ئاتا – ئانىلار بالىلارنىڭ تۇنجى ئۇستازى، شۇڭا بالا تەربىيەلەشتە ئاتا – ئانىلارنىڭ مەسئۇليىتى ئەڭ مۇھىم. مۇشۇ ‹‹مۇھىم›› لىق بالا تەربىيەلەشتە ئاتا – ئانىلارنىڭ تۇنجى جاۋابكار ئىكەنلىكىنى بەلگىلىگەن.

   ئەھۋال شۇنداق ئىكەن، ئاتا – ئانىلار بالىلارنىڭ ئۆسۈپ يېتىلىشىدە قانداق رول ئوينىشى كېرەك؟ پەرزەنتلىرىدىن زور ئۈمىدلەرنى كۈتىدىغان ئاتا – ئانىلار بىلىپ – بىلمەيلا مائارىپ قانۇنىيتىنى بالىلارنىڭ ئۆسۈپ يېتىلىش قانۇنىيىتىنىڭ قارشى تەرىپىدە قويۇۋالىدۇ. بۇنىڭ بىلەن ئاتا – ئانىلار تەرسا، جاھىل كۈچكە ئايلىنىدۇ – دە، بالا تەربىيەلەشتە مەغلۇب بولىدۇ. ئەمەلىي پاكىتلار شۇنى ئىسپاتلىدىكى، ئاتا – ئانىلارنىڭ بالىلاردىن كۈتىدىغان ئۈمىدى بەك يۇقىرى بولۇپ كەتسە، بالىلار ئۇنىڭغا بەرداشلىق بېرەلمەيدۇ، مائارىپچىلارمۇ ئاتا – ئانىلارنىڭ كۈتكەن يېرىدىن چىقالمايدۇ. ئاتا – ئانىلار بالىلىرىمنى ياخشى تەربىيەلەيمەن دەيدىكەن، ئالدىدا ئۆزىنىڭ پىسخىك ھالىتىنى تەڭشىشى، شۇ ئاساستا بالىلارغا يېتەكچىلىك قىلىشى كېرەك. چۈنكى، ئاتا – ئانىلارنىڭ نورمال پىسخىك ھالىتى بالىلارنىڭ پىسخىكىسىغا تەسىر كۆرسىتىدۇ، ئاتا – ئانىلارنىڭ سەۋىيەسى مائارىپنىڭ سۈپىتىنى بەلگىلەيدۇ. ئەمەلىيەت شۇنى ئىسپاتلىدىكى، پەرزەنتىدىن كۈتىدىغىنى مۇۋاپىق بولغان ئاتا – ئانىلار تەربىيەلىگەن بالىلار پەرزەنتىدىن كۈتىدىغىنى يۇقىرى بولغان ئاتا – ئانىلار تەربىيەلىگەن بالىلارغا قارىغاندا كۆپ قابىلىيەتلىك بولۇپ يېتىشكەن. ئەگەر بالىنىڭ ئۆگىنىش نەتىجىسى ياخشى بولمىسا، ئاتا – ئانىلار مەكتەپكە بېرىپ ئوقۇتقۇچىنى ئىزدەپ بالىسغا دەرس تولۇقلاپ بېرىشنى ئويلايدۇ. ئۇنداقتا، ئاتا – ئانىلار ئۆزى نېمە قىلىدۇ؟ ئاتا – ئانىلار بالىلارنىڭ يېمەك – ئىچمەك، تۇرالغۇ ۋە تۇرمۇشىنى ئورۇنلاشتۇرىدۇ، بۇ قارىماققا ھەقلىقتەك كۆرۈنىدۇ. لېكىن ئاتا – ئانىلار شۇنى دەستەك قىلىۋېلىپ ئۆزى بىلىپ – بىلمەيلا بالىلىرىغا تەربىيە بېرىش مەسئۇلىيىتىدىن ۋاز كېچىدۇ. ھازىر كۆپىنچە ئاتا – ئانىلار ئالىي مەلۇماتلىق، شۇڭا ئۆزى تەربىيە بەرسىمۇ بولىدۇ. لېكىن بالىلارنىڭ ئۆگىنىش نەتىجىسىگىلا ئەھمىيەت بېرىپ، ياخشى ئادەت يىتىلدۈرۈشىگە سەل قاراشقا بولمايدۇ.

   قىسقىسى، ھەرقانداق ئاتا – ئانا ئۈچۈن بالىنى قانداق تەربىيەلەشنى بىلىش بەكمۇ مۇھىم، شۇڭا ئاتا – ئانىلار ئالدى بىلەن ئۆزلىرىنىڭ نەزەر دائىرىسىنى كېڭەيتىشى، ئۆزىدىكى مەسئۇلىيەت توغرىسىدا ئويلىنىپ تۇرۇشى، ئاددىي تەربىيە ساۋاتلىرىغا توشۇق بولۇشى كېرەك. شۇنداق بولغاندا كېيىن ‹‹ئاپلا›› دەپ قېلىشنىڭ ئالدىنى ئالغىلى بولىدۇ.

(تەھرىر : admin)

• بالىلار ۋېىلىسىپىت مىنىگەندە نىېمىلەرگ
• ئىكىكى ياشىلىق بالىلارغا بالىلار ناخشى
• بالىلار نىېمىشىقا بىر تەرەپىتىن رەسىم س
• بالىلارغا كىتابىنى قانداق ئوقۇپ بەرگەن
• نىېمە ئۈچۈن بالىلارغا رەسىمىنىڭ كام يەر
• ئىككى ياشىلىق بالىلارغا ساناق ساناشىنى
• ماتېماتىكىلىق تەپەككۇر ۋە ئەقلىي تەرەق
• 15 ئايىلىق بولغان بالىلارنىڭ تۇرمۇشتا ئى
• نىېمىشىقا ئانا بالا ئايرىلىپ ئۇخلاشىنى
• پەرزەنت تەربىيەسىدە ئادىمىيلىك تەربىيە
• ياخشى تەربىيە ۋە ناچار تەربىيە.
• ئىككى ياشىلىق بالىلاردا ھەق ناھەق تۇيغۇ
• ئىككى يېرىم ياشلىق بالىلارنىڭ ئەقلىي قا
• بالىلارغا ئۆزى تاماق يېىيشىنى قايسى ۋاق
• بالىلارنىڭ تاماق قاچىسىنى قانداق تاللا
• 21 ئايلىق بالىلارنىڭ تەن قۇرۇلما جەھەتتى