◆◆بەشتاش بالىلار مائارىپ تورى◆◆Http://Www.BaxTax.Cn◆◆维文专门教育教学资料，全册教案下载，全册课件下载，全册教科书下载，试卷，论文，儿歌，动画片，图片，教育信息网！◆◆

جىرىڭداق ئويۇنى

جىرىڭداق ئويۇنى — خەلقىمىزنىڭ ئۇزاق تارىخىي تەرەققىياتى جەريانىدا بارلىققا كەلگەن كىچىك بالىلارنىڭ ئەنئەنىۋى ئويۇن تۈرلىرىنىڭ بىرى بولۇپ ، كىچىك بالىلارنىڭ يېشىغا باب كېلىدىغان ، ئۇلارنىڭ چاققانلىقىنى ۋە تېزلىكىنى ئاشۇرىدىغان ، بەدىنىنى چېنىقتۇرۇش جەھەتلەردە رولى چوڭ بولغان قىزىقارلىق ئويۇندۇر . بۇ ئويۇننى شىمالىي شىنجاڭنىڭ بىر قىسىم جايلىرىدا « جىرىڭداق ئويۇنى » دەپمۇ ئاتايدۇ ( جىرىڭداق — تۆمۈر چەمبەرنى سىم تۆمۈر بىلەن ئىتتىرگەندە جىرىڭلاپ ئاۋاز چىقىدۇ ، شۇڭا « جىرىڭداق » دېيىلىدۇ ) .

   ئوينىلىش ئۇسۇلى : كەڭلىكى بىر سانتىمېتىر ئەتراپىدىكى نېپىز ياپىلاق تۆمۈردىن دىيامېتىرى 30 سانتىمېتىر ئۇزۇنلۇقتىكى سىم تۆمۈرنىڭ ئۇچىنى ئېگىپ چەمبەرنى سىم تۆمۈر بىلەن ئىتتىرىپ دۈگىلىتىپ ئوينايدۇ . بۇنىڭدىن باشقا ئەگلەكنىڭ قاسقىنىنى دۈگىلىتىپمۇ ئوينايدۇ . بۇ ئويۇننى ئويناشتا ئويۇنغا چۈشكۈچىنىڭ سانى چەكلەنمەيدۇ . ئوغۇل ، قىز دەپ ئايرىلمايدۇ . يالغۇز بالا ئوينىسىمۇ ، بىر قانچە بالا مۇسابىقىلىشىپ ئوينىسىمۇ بولىدۇ .

   بۇ ئويۇنغا قاتناشقۇچى بالىلار بىر يەرگە جەم بولغاندىن كېيىن بىر تۈز يەرگە ئويۇننى باشلاش سىزىقى سىزىلىدۇ . ئاندىن قاتنىشىدىغان بالىلار ئارىلىق تاشلاپ باشلاش سىزىقى سىزىلىدۇ ، ئاندىن قاتنىشىدىغان بالىلار ئارىلىق تاشلاپ باشلاش سىزىقى ئۈستىدە قاتار تۇرىدۇ . باشلاش ئىشارىسى بېرىلگەندىن كېيىن قايسى بىر بالا دۈگىلىتىشنى توختىتىپ قويماق ئۇزاق ئارىلىققا دۈگىلەتسە ، شۇ بالا يەڭگەن بولىدۇ . بۇنىڭدىن باشقا ۋاقىتقا قاراپ مۇسابىقىلەشسىمۇ بولىدۇ . بۇنىڭدا جىرىڭداقنى دۈگىلىتىپ قايسى بالا مۇسابىقە جەريانىدا قىسقا ۋاقىتتا بەلگىلەنگەن ئارىلىققا يېتىپ بارسا ، شۇ بالا يەڭگەن ھېسابلىنىدۇ . مۇسابىقە جەريانىدا دۈگىلىتىش بۇزۇلۇپ كەتسە ، يەنە داۋاملاشتۇرۇپ دۈگىلىتىۋەرسە بولىدۇ . يالغۇز بالا ئۆزى ئوينىسىمۇ بولىدۇ .

   ھازىر بەزى جايلاردا بالىلار كىچىك ۋېلىسپىت چاقىنىڭ تاشقى كامىرىنى دۈگىلىتىپ ئوينايدىكەن . بۇ خىل دۈگىلىتىپ ئويناش بۇرۇنقى تۆمۈر ، ياغاچتىن ياسالغان چەمبەرلەرنى دۈگىلىتىپ ئويناشقا قارىغاندا ئىلغارراق بولۇپ ، كامىرنى قولى بىلەن ئىتتىرىپ دۈگىلىتىپ ، ئاندىن چوكىدىن تومراق ياغاچ بىلەن ئۇرۇپ دۈگىلىتىپ ئوينايدۇ .

   مۇسابىقىدە بىر بالا يەنە بىر بالىنىڭ دۈگىلىتىشىگە تەسىر يەتكۈزسە ياكى جىرىڭداقنى ئۆرۈۋەتسە قائىدىگە خىلاپلىق قىلغانلىق ھېسابلىنىدۇ .

   جىرىڭداق ئويۇنىنى باشلانغۇچ مەكتەپلەرنىڭ تۆۋەن يىللىق سىنىپلىرىدا ، بالىلار باغچىسىدىكى چوڭراق بالىلار ئارىسىدا ئېلىپ بارسا ۋە ئۆز ئارا مۇسابىقىلەشتۈرسە تازا مۇۋاپىق كېلىدۇ .

«ئۈرۈمچى كەچلىك گېزىتى » دىن ئېلىندى.