◆◆بەشتاش بالىلار مائارىپ تورى◆◆Http://Www.BaxTax.Cn◆◆维文专门教育教学资料，全册教案下载，全册课件下载，全册教科书下载，试卷，论文，儿歌，动画片，图片，教育信息网！◆◆

سەگۈنچەك ئويۇنى

سەگۈنچەك ئويۇنى ئۇيغۇر ئۆسمۈرلىرىنىڭ ياشاش شارائىتى،ئانايۇرتىنىڭ جۇغراپىيىلىك ئورنى ۋە تەبىئى ئەۋزەللىكلىرى بارلىققا كەلتۈرگەن ئەنئەنىۋى ئويۇنلارنىڭ بىرى.ئۇ ئىلەڭگۈچ ئويۇنىدىن بەزى رۇشەن ئالامەتلەر ئارقىلىق پەرقلىنىپ تۇرىدۇ.بۇ ئويۇن ئاساسەن ياز،كۈز كۈنلىرىدە ئېرىق-ئۆستەڭ بويلىرىدا ياكى دەرەخلىكلەردە،ئايرىم ھاللاردا قىش پەسلىدە ئېگىز ئايۋان،پېشايۋانلاردا قىزلارنىڭ ئوينىشىغا ماس كېلىدۇ.قىزلار ئاۋال ئورۇننى ۋە ۋاقىتنى بېكىتىۋالىدۇ،ئاندىن ئۆز ئىختىيارلىقى بىلەن پۈتۈشكەن جايغا يىغىلىدۇ.بالىلارنىڭ ئىمكانىيىتىگە قاراپ سەگۈنچەككە لازىملىق بولغان ئارغامچا،تانا،ئەدىيال،كۆرپە،چوڭ بارماق توملۇقىدىكى كەرگە قاتارلىق نەرسىلەرنى ئالغاچ كېلىش تەلەپ قىلىنىدۇ.ئويۇن قانداق جايدا ئوينىلىشتىن قەتئىينەزەر ،سەگۈنچەك بەلگىلىك ئارىلىقتىكى بىر جۈپ دەرەخ،تۈۋرۈك ياكى ئىشىك-دېرىزە راملىرى ئارىسىغا ياسىلىدۇ.بالىلارنىڭ بويى يەتكۈدەك ئارىلىق ئۆلچەم قىلىنىدۇ.سەگۈنچەكنىڭ باش-ئاياغ تەرىپى پەرقلىق بولىدۇ.تەييارلىقلار پۈتكەندىن كېيىن ئۇچقۇچى بىلەن تەۋرەتكۈچى بەلگىلەپ چىقىلىدۇ.قالغانلار ئەتراپرا تۇرۇپ بۇ ئىككىيلەننىڭ ئويۇنىدن زوقلانغاچ ھەرىكىتىگە باھا بېرىدۇ.ھەرىكىتى ئۆلچەملىك،نەپس،سەنئەتلىك بولغانلىرىنى ئۇستاز تۇتۇپ،ئۆزلىرىگە ئۆگىتىپ قويۇشنى ئىلتىماس قىلىدۇ.ئەكسىچە بولغانلارغا سەمىمى تەكلىپ ۋە ياردەم بېرىلىدۇ.ئۇچقۇچى بىلەن تەۋرەتكۈچى ئالمىشىپ ئوينىلىدۇ.بۇ ئويۇن ئالدى بىلەن قىزلارغا كۆكتە ئۇچقاندەك تۇيغۇ بېرىپ،قىزلارنىڭ كۆڭلىنى شادلاندۇرىدۇ،قىزلارنى قورقماس روھقا ئىگە قىلىپ تەربىيلەيدۇ.