سامسۇڭنىڭ يېڭى ئەقلىي ئىقتىدارلىق سائىتىگە Gear Live دەپ نام قويۇلىدىكەن

خەۋەرلەرگە قارىغاندا, سامسۇڭ شىركىتى بۇ يىللىق گۇگېل I/O يىغىنىدا ئۆزىنىڭ 2-ئەۋلاد ئەقلىي ئىقتىدارلىق سائىتىنى ئېلان قىلىشنى تەييارلىق قىلىۋاتقانكەن. بۇ يىل ئېلان قىلىنىش ئالدىدا تۇرغان بۇ سامسۇڭنىڭ ئەڭ يېڭى ئەقلىي ئىقتىدارلىق سائىتىگە Android Wear مەشغۇلات سېستىمىسى ئىشلىتىلىدىغان بولۇپ, بۇ سائەتكە رەسمىي ھالدا Gear Live دەپ نام قويۇلىدىكەن. بۇ ئەقلىي ئىقتىدارلىق سائەتكە 1.63 دىيۇملۇق Super AMOLED ئېكران سەپلىنىلىدىغان بولۇپ, ئېكرانىنىڭ سېزىمچانلىقى 320x320 غا يەتكۈزۈلىدىغان بولۇپ, ئۇنىڭ سەپلەنمىسى سامسۇڭ شىركىتىنىڭ ھازىرقى ئەقلىي ئىقتىدارلىق سائىتى- Gear 2 ۋە Gear 2 Neo ئەقلىي سائەتلىرىگە ئوخشاپ كېتىدىكەن.
ئىگەللىنىلىشىچە, سامسۇڭ شىركىتىنىڭ ئېلان قىلىنىش ئالدىدا تۇرغان Gear Live ناملىق ئەقلىي ئىقتىدارلىق سائىتىگە ئاساسىي چاستوتىسى 1.2GHz لىق بىر تەرەپ قىلغۇچ سەپلىنىلىدىغان بولۇپ, ئۇنىڭ سۈرئىتى سامسۇڭ Gear 2 ئەقلىي ئىقتىدارلىق سائىتىنىڭ سۈرئىتىدىن سەل ئىتتىك بولىدىكەن. Gear Live ناملىق بۇ ئەقلىي ئىقتىدارلىق سائەتكە يەنە 512MB لىق ئىچكى سىغىم بوشلۇقى ۋە 4GB لىق سىغىم بوشلۇقى سەپلىنىدىغان بولۇپ, بۇ سائەت كۆك چىش 4.0 تېخنىكىسىنى قوللىيالايدىكەن. بۇ ئەقلىي ئىقتىدارلىق سائەتكە يەنە توك سەرپىيات مىقدارى 300mAh بولغان باتارىيە سەپلىنىش بىلەن بىللە, يۈرەك تەكشۈرۈش ئۈسكۈنىسىمۇ سەپلىنىدىكەن.
Gear Live ناملىق ئەقلىي ئىقتىدارلىق سائىتىگە Android Wear مەشغۇلات سېستىمىسى قوللىنىلىدىغان بولۇپ, ئۇنىڭدا Google Now、Gmail、Hangouts、Google Maps قاتارلىق مۇلازىمەت بولىدىكەن. سامسۇڭ شىركىتىنىڭ Gear Live ناملىق ئەقلىي ئىقتىدارلىق سائىتى بۇ يىل 7-ئايدىن باشلاپ سېتىلىشقا باشلايدىغان بولۇپ, LG شىركىتىنىڭ ئەقلىي ئىقتىدارلىق سائىتى- G Watch مۇ بۇ يىل 7-ئايدىن باشلاپ بازارلاردا سېتىلىشقا باشلايدىكەن.