ۋاقىت : 2014-10-23 22:48 | مەنبەسى : 未知 | ئاپتۇر : سەپەر | تەھرىر : سەپەر | كۆرۇلىشى : قېتىم

لۇتۇ ئاگېنتلىقىنىڭ خەۋىرىگە ئاساسلانغاندا، گۇگېل شىركىتى چارشەنبە كۈنى يېڭى نۇسخىدىكى ئېلخەت مۇلازىمىتى بولغان «Inbox» نى رەسمىي ئېلان قىلغان ھەمدە بۇ ئارقىلىق ئابونتلارنىڭ ئېلخەت يوللانمىلىرىنى تېخىمۇ ياخشى ۋە قولايلىق ئۇسۇلدا باشقۇرۇشىغا ئاسانلىق يارىتىپ بېرىشنى نىشان قىلغان. گۇگېل شىركىتىنىڭ دىيىشىچە، ئۇلار بىر قىسىم ئالاھىدە Gmail ئابونتلىرىغا تەكلىپنامە ئەۋەتىپ، بۇ كىشىلەرنى ئۆزىنىڭ يېڭى مۇلازىمىتىنى ئالدىن ئىشلىتىش ئىمكانىيىتىدىن بەھرىمان قىلىدىكەن، ئەلۋەتتە، Gmail دىكى ئابونتلار يەنە ئۆزلۈكىدىن inbox@google.com دىگەن ئادرىسقا ئېلخەت يوللاپ، تەكلىپنامە تەلەپ قىلسا بولىدىكەن.
Inbox يەنىلا Gmail گۇرۇپپىسى تەرىپىدىن ئوتتۇرىغا چىقىرىلغان بولۇپ، Gmail بىلەن ئورتاق ئىشلىتىلىدىكەن، بىراق، ئۇنىڭ ئورنىنى باسمايدىكەن. مەسىلەن، بۇ مۇلازىمەت سۇپىسى ئوخشاش تۈردىكى ئېلخەت يوللانمىلىرىنى تۈرلەرگە ئايرىش، ھالقىلىق ئۇچۇرلارنى ئاپتوماتىك ھالدا گەۋدىلەندۈرۈپ كۆرسىتىش (مەسىلەن ئايروپىلان بېلىتىنىڭ زاكاز ئۇچۇرى، يىغىن ۋە باشقا پائالىيەتلەرنىڭ كۈنتەرتىپ ئۇچۇرى قاتارلىقلار) قاتارلىقلارنى ئىشقا ئاشۇرۇش ئارقىلىق، توردىكى ئۇچۇرلارنى تېخىمۇ قولايلىق ئۇسۇلدا ئىزدەپ تېپىش ۋە پايدىلىنىشقا ئاسانلىق تۇغدۇرىدىكەن. گۇگېلنىڭ ئېيتىشىچە، Inbox يەنە خەت ساندۇقىدىكى ئۇچۇرلارنى دەل ۋاقتىدا يېڭىلاپ كۆرسىتىپ تۇرىدىكەن.
يېڭى نۇسخىدىكى بۇ ئېلخەت مۇلازىمىتى گۇگېل 2004-يىلى ئېلان قىلغان Gmail بىلەن بىرلىكتە خىزمەت قىلىدىغان بولۇپ، ئۇنىڭ تور بەت نۇسخسى، ئاندىرويىد ۋە iOS نۇسخىلىرى باركەن، بىراق، ھازىرچە پەقەت گۇگېل بايرىقى ئاستىدىكى Chrome تور كۆرگۈچىسى ئارقىلىقلا زىيارەت قىلىشقا بولىدىكەن. گۇگېل شىركىتىنىڭ ئورگان بىلوگىدا مۇنداق دىيىلگەن:
«Inbox بولسا Gmail گۇرۇپپىسى تەرىپىدىن ئوتتۇرىغا چىقىرىلغان يېڭى نۇسخىدىكى مۇلازىمەت تۈرى، بىراق، ئۇ ھەرگىزمۇ Gmail ئەمەس؛ ئەمەلىيەتتە ئۇنى پۈتۈنلەي باشقىچە بولغان ئېلخەت ساندۇقى دىيىشكە بولىدۇ، چۈنكى ئۇ ئاساسلىق ھالدا ئابونتلارنىڭ مۇھىم ئۇچۇرلىرنى گەۋدىلەندۈرۈپ كۆرسىتىشنى مەقسەت قىلغان.»
ئۇندىن باشقا، Inbox يەنە Gmail دە ئەسلىدىنلا بار بولغان بىر قىسىم ئىقتىدارلارغا ئۆزگەرتىش كىرگۈزگەن، ئابونتلارنى ئۇ ئارقىلىق مال سېتىۋىلىش ئۇچۇرلىرى ۋە بانكا ھېسابات ئۇچۇرلىرىنى تەكشۈرۈش قاتارلىق يېڭىچە ئىقتىدارلارنى ئىشلىتىش ئىمكانىيىتىگە ئىگە قىلغان.
Inbox گە يەنە Google Now نىڭ ئەسكەرتىش ئىقتىدارى قوشۇلغان بولۇپ، ئۇ سىزگە ئالدىن بېكىتىپ قويغان مەزمۇنلاردىن دەل ۋاقتىدا ئەسكەرتىش بېرىپ تۇرىدىكەن.

(تەھرىر : سەپەر)

«گۇگېل شىركىتى يېڭى نۇسخىدىكى ئېلخەت مۇلازىمىتى Inbox نى ئېلان قىلدى»گە دائىر تېخىمۇ كۆپ ئۇچۇر

ئالدىنقىسى:تور دۇنياسىدىكى 10 كىلاسسىك ئۇرۇش
كېينكىسى: يوق

• گۇگېل شىركىتى يېڭى نۇسخىدىكى ئېلخەت مۇل
• تور دۇنياسىدىكى 10 كىلاسسىك ئۇرۇش
• ئەرقال تاراتقۇسنىڭ ئاۋازلىق نۇسقىسى ئې
• excel دىكى vlookup ئىزدەش فونكىسسىيىسى بەك يا
• ئۇبۇنتۇ مەشغۇلات سىستېمىسى ھەققىدە
• جۇڭگودا سېتىلىدىغان ئاندىرويىد يانفونل
• iPhone مەخپىيەتلىك ئوغۇرلايدۇ؟
• تور بىزنى نېمىلەردىن يىراقلاشتۇردى؟
• 4G نىڭ كارامىتى قانچىلىك؟
• رادىئاتسىيە قىممىتى ئەڭ يۇقىرى بولغان
• جۇڭگو چوڭ قۇرۇقلۇقى بويىچە يانفونلارنى
• كونۇپكا تاختىسىدىكى كارامەتلەر
• يانفونىڭىزنىڭ توكى نەگە كەتتى؟
• ياخۇ Yahoo Aviate ناملىق ھەقسىز ئۈستەل يۈزى ق
• 5.5 ديۇملۇق iPhone 6 يانفونىنىڭ 128GB لىق نۇسخى
• جۇڭگونىڭ ئوغرى نەشىردىكى يۇمشاق دېتال ئ