جۇڭگونىڭ ئوغرى نەشىردىكى يۇمشاق دېتال ئورنىتىش نىسبىتى %3 چۈشتى

يۇمشاق دېتال ئىتتىپاقى BSA يېقىندا ئېلان قىلغان «يەر شارى يۇمشاق دېتال تەتقىقات دوكلاتى»دا كۆرسىتىلىشىچە، يېقىنقى يىللاردا جۇڭگو ھۆكۈمىتىنىڭ زور كۈچ بىلەن يۇمشاق دېتالنى ھەقىقىي نۇسخىسىنى ئىشلىتىش خىزمىتىنى قانات يايدۇرغانلىقىنىڭ پايدىسى سەۋەبلىك، 2013-يىلى جۇڭگونىڭ ھوقۇق بېرىلمىگەن كومپيۇتېر يۇمشاق دېتالىنى ئورنىتىش نىسبىتى سەل تۆۋەنلىگەن.
BSA نىڭ «يەر شارى يۇمشاق دېتال تەتقىقات دوكلاتى»غا ئاساسلانغاندا، 2013-يىلى ئاسىيا-تىنچ ئوكيان رايونىدا ھوقۇق بېرىلمىگەن شەخسىي كومپيۇتېر يۇمشاق دېتالىنى ئورنىتىش نىسبىتى %62 كە يەتكەن بولۇپ، پۈتكۈل يەر شارىدىكى ھەر قايسى رايونلاردا بىرىنچى ئورۇندا تۇرغان. 2011-يىلى بىلەن سېلىشتۇرغاندا، ھوقۇق بېرىلمىگەن يۇمشاق دېتالنى ئورنىتىش نىسبىتى %2 ئاشقان، بۇنىڭ سودا قىممىتى 21 مىليارد ئامېرىكا دوللىرىغا يەكتەن. تەكشۈرۈشنى قوبۇل قىلغان ئاسىيا-تىنچ ئوكيان رايونىدىكى 18 ئىقتىسادىي گەۋدىدە، ھوقۇق بېرىلمىگەن شەخسىي كومپيۇتېر يۇمشاق دېتالىنى ئورنىتىش نىسبىتىنىڭ چۈشۈش دەرىجىسى ئەڭ چوڭ بولغان ئۈچ دۆلەت جۇڭگو، ھىندىستان ۋە بېنگاللار بولغان، ئىككى يىل ئىچىدە %3 تۆۋەنلىگەن، بۇ پۈتكۈل يەر شارى دائىرىسىدىمۇ چۈشۈش دەرىجىسى ئەڭ چوڭ ھېسابلىنىدۇ.
BSA نىڭ «يەر شارى يۇمشاق دېتال تەتقىقات دوكلاتى»نى خەلقئارا سانلىق مەلۇمات شىركىتى ھەر ئىككى يىلدا بىر قېتىم قىلىدۇ، بۇ يىللىق تەكشۈرۈش دوكلاتى 34 دۆلەت ۋە رايوندىكى 22 مىڭغا يېقىن ئىستېمالچى ۋە كارخانا ئابونتلىرىنى ھەمدە 2000 نەچچە IT دېرىكتورىنى تەكشۈرۈش ئارقىلىق ۋۇجۇتقا چىققان. ھوقۇق بېرىلمىگەن يۇمشاق دېتال پەيدا قىلغان خەۋپ-خەتەر ئىچىدە، يەر شارىدا %64 ئىستېمالچى ۋە كارخانا ئابونتى خاككېرنىڭ قانۇنسىز ھۇجۇم قىلىپ كىرىشىگە ئەڭ كۆڭۈل بۆلىدىغانلىقىنى بىلدۈرگەن، IT دېرىكتورلىرىدىن %59 ى سانلىق مەلۇمات ئوغرىلاپ كېتىشنى ئەڭ چوڭ تەھدىت دەپ قارىغان.