چەتئەل ئاخبارات ۋاستىلىرىنىڭ خەۋىرىگە قارىغاندا، گېرمانىيىنىڭ كۆچمە ئالاقە تىجارەتچىسى-Deutsche Telekom نىڭ خەۋەر قىلىشىچە، ئالما شىركىتى ئېلان قىلىنىش ئالدىدا تۇرغان يانفونى-iPhone 6 يانفونىغا قارىتا، 16GB لىق يانفون نۇسخىسىنى بىكار قىلىپ، 5.5 ديۇملۇق iPhone 6 يانفونىغا مەخسۇس 128GB لىق نۇسخىلىق يانفون مەھسۇلاتىنى قوشىدىكەن. بۇ يانفون 9-ئاينىڭ 19-كۈنى رەسمىي ئېلان قىلىنىدىكەن. بۇنىڭدىن ئىلگىرى ئالما شىركىتىنى مال بىلەن تەمىنلەش زەنجىرىدىن ئېرىشكەن ئۇچۇرلاردىمۇ بۇ يىل ئالما شىركىتىنىڭ ئەڭ يېڭى يانفونى- iPhone 6 يانفونىغا 128GB لىقتىن ئىبارەت چوڭ سىغىملىق نۇسخا قوشۇلىدىغانلىقى ئېيتىلغانىدى.

ناۋادا بۇ قېتىم ئاشكارىلانغان بۇ ئۇچۇر ھەقىقەتەن راست بولىدىغان بولسا، ئۇ ھالدا 4.7 ديۇملۇق نۇسخىدىكى iPhone 6 يانفونىنىڭ 32GB لىق ۋە 64GB لىقتىن ئىبارەت ئىككى خىللا نۇسخىلىقى ئېلان قىلىنىدىغان بولۇپ، چوڭ ئېكرانلىق نۇسخىسى يەنە 5.5 ديۇملۇق iPhone 6 يانفونىنىڭ بولسا 32GB لىق ۋە 64GB لىق نۇسخىلىرىدىن باشقا يەنە 128GB لىق نۇسخىلىقىمۇ ئېلان قىلىنىدىكەن.