كومپىيۇتىر ۋە تۇرمۇش-ئۇبۇنتۇ مەشغۇلات سىستېمىسى ھەققىدە

نۆۋەتتىكى ئورنىڭىز : باش بەت > ئوقۇتۇش بايلىقى > كومپىيۇتىر ۋە تۇرمۇش > تولۇق مەزمۇنى

ئۇبۇنتۇ مەشغۇلات سىستېمىسى ھەققىدە

ۋاقىت : 2014-09-17 03:23 | مەنبەسى : | ئاپتۇر : ئەلقاياش | تەھرىر : arqin | كۆرۇلىشى : قېتىم

ئەسسالامۇ ئەلەيكۇم ئەزىزلەر ، ھەممىمىزگە مەلۇم بولغۇنىدەك ، بىز ياشاۋاتقان بۇ دەۋىر ئىنسانىيەت ئىجتىمائى ۋە ئىقتىزادى جەھەتتىن غايەت زور يۈكسىلىشلەرگە ئىرىشىۋاتقان دەۋىر بولدى . بولۇپمۇ كومپىيۇتىردىن ئىبارەت بۇ پەن تېخنىكا مەھسۇلاتىنىڭ بارلىققا كىلىشى ئىنسانىيەتنىڭ ئىجتىمائى ۋە ئىقتىزادى جەھەتتىكى يۈكسىلىش قەدىمىنى تىزلەشتۈرىۋەتتى . دۇنيا جامائىتىنىڭ بىر قىسمى بولغان ئۇيغۇر خەلقىمۇ ئاز بولمىغان تىرىشچانلىقلارنى كۆرسىتىپ ، ئۇچقاندەك مېڭىۋاتقان بۇ تەرەققىياتلارغا يىتىشىۋېلىش ئۈچۈن كۈرەش قىلىپ كەلدۇق . ئىنىقكى ، كومپىيۇتىر ئىشلىتىۋاتقان كىشىلىرىمىزنىڭ سان جەھەتتىكى ئازلىقى سەۋەپلىك ، دۇنيانىڭ سەۋىيىسى بىلەن سېلىشتۇرغاندا خېلى ئارقىدا تۇرىۋاتىمىز .

نىمە ئۈچۈن بىزدىكى كومپىيۇتىر ئىشلىتىۋاتقان كىشىلەر نىڭ سانى ئاز ؟ دىگەن مەسىلىگە تۈۋەندىكىدەك جاۋاپلارنى بىرىشىمىز مۇمكىن .

تىل قىيىنچىلىقى . كومپىيۇتىرنى دەسلەپتە ياساپ چىققۇچىلار ئىنگىلىس تىلىدا سۆزلىشىدىغان خەلىقلەر بولغاچقا ، شۇ كىشىلەر ئارىسىدا ئەڭ بۇرۇن ئومۇملاشقان . ئاندىن كىيىن ئىشلىتىدىغان ئادەم سانى كۆپ بولغان بىر قىسىم تىللارغا خېلى بۇرۇنلا ئۆزلەشتۈرۈلدى . ئازسانلىق ھىساپلىنىۋاتقان ئۇيغۇر خەلقىگە نىسبەتەن ئەمدى تېخى 10 نەچچە يىل بولدى . كومپىيۇتىر دىگەننى دۇنيادىكى باشقا نۇرغۇن ئىنسانلاردىن بەكمۇ كىيىن ئۇچراتتۇق .مۇشۇ قىسقا ۋاقىتتا ، ئىرىشكەن نەتىجىلەر ھەم ئاز بولمىدى .

ئالىمىمىز ئالىم ئەھەت مۇئەللىمنىڭ يىتەكلەپ مېڭىشى بىلەن ئاخىرى ئۇيغۇر تىلىمىز ۋىندوۋىس مەشغۇلات سېستىمىسىغا مۇستەقىل تىل سۈپىتىدە قۇشۇلدى . ئىقتىزادىمىزنىڭ ئېشىشىغا ئەگىشىپ ، ھەقىقى نۇسخىدىكى ئۇيغۇرچە قۇشۇلغان مەشغۇلات سېستىمىسىنى ئىشلىتىدىغان كىشىلىرىمىز كۆپەيگۈسى .

ئىقتىزادى سەۋەپ . نۆۋەتتە بىزنىڭ ماددى ئىھتىياجىمىز تۇلۇق كاپالەتكە ئىگە بوپ بۇلالمايۋاتقانلىق سەۋەۋىدىن ، پائالىيىتىمىز ئاساسەن ئەتە يەيدىغان ئاش ئۇزۇق تېپىش ھەلەكچىلىكىدە بۇلىۋاتىدۇ . كومپىيۇتىردىن پايدىلىنىپ ، ئىقتىسادى ئۈنۈم يارىتىش پۇرسىتى يىتەرلىك ئەمەس . مەنىۋى ئىھتىياجىمىزنى قامداش ئۈچۈن ۋاقتىمىز ئېشىنمايۋاتىدۇ .

كومپىيۇتىرغا نىسبەتەن چۈشەنچىمىز مۇكەممەل ئەمەس . كومپىيۇتىرنىڭ پايدىلىنىش قىممىتىگە نىسبەتەن ئىلمى چۈشەنچىگە ئىگە ئەمەس . ياشلىرىمىزنىڭ كۆپىنچىلىرى كومپىيۇتىرنى ئۇيۇنچۇق قاتارىدا كۈرۈپ يۈرىۋاتىدۇ .

قورقۇش . ئىنتايىن كۆپ سانلىق كىشىلىرىمىز كومپىيۇتىرنى ئىشلىتىشنى ئۈگىنەلىشىگە ئىشەنچ قىلمايۋاتىدۇ . ئاددىسى كومپىيۇتىرنىڭ كۆرسەتكۈچ ئىكرانىنى كومپىيۇتىر مۇشۇ دەپ تۇنۇيدىغانلار بىزدە ساماندەك . شۇنداقتىمۇ بىزدە كومپىيۇتىرنى ئومۇملاشتۇرغىلى بۇلىدىغان تۈۋەندىكىدەك ھەقىقى شارائىتلار مەۋجۇت .

كومپىيۇتىر ئىنتايىن ئەرزان نەرسە دىيىشكە تامامەن بولىدۇ . مەسىلەن ، 300 يۈئەنگە نۇرمال ئىشلەيدىغان كومپىيۇتىر سېتىۋالغىلى بولىدۇ . گەرچە نىمكەش بولسىمۇ ، ئۇنىڭ نىمكەشلىگى ئىشلىتىش قىممىتىگە دەخلى يەتكۈزەلمەيدۇ . بىر كومپىيۇتىر نۆۋىتىدە بىر DVD قويغۇچ ، بىر تېلۋىزۇر ، نۇرغۇن دەپتەر قەلەم ۋە نۇرغۇن كىتاپلارنىڭ ئورنىنى ئالالايدۇ .

تورغا چىقىش ھەققى بەك قىممەت ئەمەس .

بىر تور سىمى ئارقىلىق بىرنەچچە خوشنىلار ئورتاق تورغا چىققىلى بۇلىدۇ . يەنە كىلىپ لايىقىدا بولغاندا بۇ قانۇنسىز قىلمىش ھىساپلانمايدۇ . شۇنداق بولغاندا بىر كومپىيۇتىرنىڭ ئايلىق تورغا ئۇلىنىش ئۈچۈن ئوتتۇز - قىرىق يۈئەنلا كىتىدۇ .

ئەڭ مۇھىمى ھازىر ئۇيغۇرچىنى مۇكەممەل قوللايدىغان ، پۈتۈنلەي ھەقسىز بولغان مەشغۇلات سېستىمىسى ئۇبۇنتۇ بارلىققا كەلدى . ئەلسۈيەر ئەزىمەتلىرىمىز بىر تېيىن ئىقتىسادى كىرىم قىلىشنى خىيالىغا كەلتۈرمەستىن، خالىس ھالدا بۇ تەرجىمە ئىشلىرىنى نەتىجىلىك تاماملىدى . ھەم ئۇيغۇر خەلقىنىڭ تېخىمۇ قۇلاي ئۆزلەشتۈرىشى ئۈچۈن ئۇيغۇرئىكىس نامىدىكى سېستىمىنى بارلىققا كەلتۈردى .

بۇ سېستىمىنى قاچىلاش باسقۇچلىرىدىن تارتىپ مەشغۇلاتلارغىچە پۈتۈنلەي ئۇيغۇرچە ئېلىپ بېرىلغاچقا ،

ئۇيغۇرچە ساۋادى بولغانلىكى ئادەم چۈشىنەلەيدۇ .

ھەم بۇ سېستىمىنى ۋىندوۋىس ياكى باشقا سېستىملار بىلەن بىرگە بىرنەچچە خىل ئۇسۇلدا تەڭ ئىشلەتكىلى بولىدۇ .بارماق دىسكىغا قاچىلاپمۇ ئىشلەتكىلى بولىدۇ .

(تەھرىر : arqin)

ئېسىلكەن

(0)

ناچاركەن

(0)