بالىلاردىكى سىيگەكلىكنى داۋالاشنىڭ ئاددىي ئۇسۇللىرى
توخۇنىڭ ئۈچىيىنى پاكىز يۇيۇپ ، ئۇششاق توغراپ، تۆمۈر قازان ياكى ساپلۇقتا پىششىق قورۇغاندىن كېيىن قۇرۇتۇپ ھەم تالقانلاپ، كۈندە ئىككى ۋاخ بىر چىمدىمنى ئىلمان قايناق سۇ بىلەن ئىچۈرۈپ بەرسە، ئۈنۈمى ئالاھىدە ياخشى بولىدۇ.
توشقاننىڭ بېشىنى ئۈكلەپ پاكىزلىغاندىن كېيىن، قوقاسقا كۆمۈپ پىشۇرۇپ يىگۈزۈپ بەرسە، بۇ كېسەل تېزلا ساقىيىدۇ.
بەش تۇخۇمدىن تۇخۇم يېغى چىقىرىپ ، ئۇنىڭغا تالقانلانغان بىر تال جۆيۈزنى قوشۇپ، كۈندە كەچتە ئۇخلاشتىن بۇرۇن دوۋسۇن، بەل ۋە بۆرەك ئەتراپى ياغلانسا، بالىلاردىكى سىيگەكلىك بارا – بارا ساقىيىدۇ.
سىيگەكلىك كېسىلى بار بالىنى قەرەللىك ئويغىتىپ كىچىك تەرەت قىلىشقا ئادەتلەندۈرسە، ئاخشىمى ئۇخلاشتىن بۇرۇن سوغۇق يېمەك – ئىچمەكلەرنى بەرمىسە، بۇ خىل كېسەل تەدرىجى ساقىيىدۇ.