خانىم-قىزلارنىڭ يۈزدىكى تەر تۆشۈكچىلىرىنى يوقىتىدىغان 10 خىل يېمەكلىك
▲بانان، سۈت: ئاۋۋال بىر تال باناننى ئېزىپ، ئۇنىڭغا مۇۋاپىق مىقداردا سۈت قوشۇپ يۈزگە تەكشى سۈرۈپ،20 مىنۇت تۇرغۇزغاندىن كېيىن يۈزنى پاكىزە يۇيۇۋەتسە تېرىنى سىلىق ھەم پاقىراق قىلىدۇ. ▲تۇخۇم ئېقى: تۇخۇم ئېقى بىلەن ھەسەلنى تەكشى ئارلاشتۇرغاندىن كېيىن يۈزگە سۈرۈپ بەرسە تېرىنى پاقىراق قىلىدۇ ھەم يۈزدىكى قورۇقلارنى ئازايتىدۇ . ▲زەرچىۋە پاراشوكى، سۈت: زەرچىۋە پاراشوكى بىلەن سۈتنى ئارلاشتۇرۇپ يۈزگە سۈرۈپ بەرسە ئاپتاپتا كۆيگەن داغنى يوقىتىپ، يۈزدىكى سېرىق تۈكلەرنى ئازايتىدۇ. ▲ئارپا، پىشلاق، پەمىدۇر شىرنىسى: ئارپا، پىشلاق، پەمىدۇر شىرنىسنى ئارلاشتۇرۇپ يۈزگە تەكشى سۈرۈپ،20 مىنۇت تۇرغۇزغاندىن كېيىن يۈزنى سۇغۇق سۇدا يۇيۇۋەتسە، ئاپتاپتا كۆيۈپ كەتكەن تېرىنى ئەسلىگە كەلتۈرۈپ، تېرىنى پاقىراق قىلىدۇ. ▲بەرەڭگە پارچىسى: يۈزىدە سەپكۈن ۋە تاتۇق ئىزى بار خانىم-قىزلار خام بەرەڭگە پارچىسىنى يۈزگە چاپلاپ بەرسە، سەپكۈن بىلەن تاتۇق ئىزىنى سۇسلاشتۇرىدۇ. ▲تەرخەمەك شىرنىسى: تەرخەمەك شىرنىسى ئەڭ ئېسىل تېرە چىڭايتىش سۇيۇقلىقى ھېسابلىنىدۇ. ئۇنى يۈزگە تەكشى سۈرۈپ 15مىنۇت تۇرغۇزغاندىن كېيىن يۇيۇۋەتسە، يۈزدىكى تەر تۆشۈكچىلىرىنى تارايتىدۇ. ▲چۈچۈك ئاپلىسىن شەربىتى: چۈچۈك ئاپلىسىن شەربىتى تەبئىي ئاقارتقۇچى ئاگېنت بولۇپ، ئۇنى يۈزگە سۈرۈپ بەرسە، ئاپتاپتا كۆيۈپ كەتكەن تېرىنىڭ ئەسلىگە كېلىشىدە ئۈنۈمى ناھايىتى چوڭ بولىدۇ. ▲ھەسەل: ھەسەلنىڭ تېرىنى سىلىق، پارقىراق قىلىش ھەم قورۇقلارنى ئازايتىش رولى بار. ▲ماندارىن شەربىتى: ماندارىن شەربىتى مايلىق تېرىنىڭ ئەڭ ياخشى ئوزۇقلۇقى بولۇپ، تېرىسى مايلىق خانىم-قىزلار ئۇنى يۈزىگە سۈرۈپ بەرسە، تېرىدىكى ئارتۇق مايلارنىڭ ئاجىرىلىپ چىقىرلىشىنى كونتىرول قىلىدۇ. ▲ مۇز پارچىسى: مۇز پارچىسى تەر تۈشۈكچىلىرىنى تارايتىدۇ ھەم قان ئايلىنىشنى ئىلگىرى سۈرىدۇ.