بەل ئاغىرىشمۇ بىر خىل كېسەللىك ئالامىتى بولۇپ ،نۇرغۇن كىشلەر مۇشۇ سەۋەپ بىلەن دوختۇرغا كۆرىنىدۇ ،ھەمدە بۆرەك ئاغىرغانلارنىڭ ھەممىسىلا بۆرەك ياللۇغى بولامدۇ؟دىگەن سوئاللارنى سورىشىدۇ.جاۋابى شىكى ،ئۇنداق بولىشى ناتايىن .

بۆرەك ياللۇغلانغاندا ،بولۇپمۇبۆرەك جامى بۆرەك ياللۇغىدا ئىششىش ۋە بۆرەك قېپى پەردىسىنىڭ تارتىلىشى تۈپەيلىدىن ھەقىقەتەن بەل ئاغىرىيدۇ.ئۆتكۈر بۆرەك جامى بۆرەك ياللۇغى بىلەن ئاغىرغان ئادەم سوغۇقتىن قورقىدۇ ،قىزىيدۇ ھەم كۆپ سىيىدۇ ،سۈيدۈك قىستاپ تۇرىدۇ .بېلىنى تەكشۈرگەندە ئاغىرۋاتقان نۇقتا چېكىلسە ئاغىرىيدۇ ،سۈيدۈكنى تەكشۈرسە كۆپ مىقداردا ئاق قان ھۈجەيرىسى ،يىرىڭلىق ھۈجەيرە ۋە قىزىل قان ھۈجەيرىلىرى بايقىلىدۇ.ئۆتكۈر بۆرەك جامى بۆرەك ياللۇغى ئاياللاردا كۆپ بولىدۇ .كۆپىنچە باكتىرىيىلەر سۈيدۈك يولى ئېغىزى ئارقىلىق دوۋساقتىن ئۆتۈپ ،يۇقۇرغا ئۆرلەپ بۆرەككە بېرىپ ،كېسەل پەيدا قىلىدۇ. 

ئۇنىڭدىن باشقا نۇرغۇنلىغان كېسەللىكلەرمۇ ئوخشاشلا بەل ئاغىرىقىنى پەيدا قىلالايدۇ. مەسىلەن ،ئومۇرتقا ئارلىق تەخسىچاقلىرى پولتىيىپ چىقىش كېسىلى .قېلىنلىشىشتىن بولغان ئومۇرتقا ياللۇغى ،بەل ئومۇرتقىسى سىلى ،ئومۇرتقا زەخىمىلىنىش ،بەل مۇسكۇلى تارتىلىپ كېتىش قاتارلىقلار .بۇنىڭدىن باشقا ،ئەرلەردە مەزى بېزى ياللۇغى ،ئاياللاردا داس بوشلىقى ياللۇغى بەلنىڭ تۆۋەنكى قىسمىدا ئاغىرىق پەيدا قىلىدۇ ،شۇڭلاشقا بەل ئاغىرىقىنى ئەتىراپلىق قىياس قىلىپ ،ئاۋۋال بۆرەك كېسىلىنى خىيالدىن نېرى قىلىش، ئاندىن ،مۇناسىۋەتلىك بۆلۈملەردە يەنى سۆڭەك كېسەلىكلىرى بۆلىمى ،سۈيدۈك ئاجىرتىش سېستىمىسى كېسەللىكلىرى بۆلىمى ياكى ئاياللار كېسەللىكلىرى بۆلىمىدە تەكشۈرتۈپ ،دىئاگنۇز ئېنىق بولغاندىن كېيىن ئاندىن داۋالىنىش لازىم .