|
ئەرلەر جىنسىي ئاجىز لىقى ھەرخىل سەۋەبلەردىن پەيدا بولىدىغان كۆپ ئۇچرايدىغان ئەرلەر كېسەللىكلىرىنىڭ بىر بولۇپ، بۇ كېسەللىك ۋاقتىدا داۋالانمىسا بەدەننى زەئىپلەشتۈرىدۇ ، ئۆمۈرنى قىسقارتىدۇ، ئېغىر روھى بېسىم ۋە مەجنۇنلۇق (نېرۋىدىن ئادىشىپ قېلىش ) كېسەللىكىنى پەيدا قىلىدۇ.
ئەرلەر جىنسىي ئاجىز لىقىنى كەلتۈرۈپ چىقىرىدىغان ئامىللار كۆپ تەرەپلىمىلىك بولۇپ ، ئاساسلىقى ئىچكى - تاشقى سەۋەبلەرنىڭ تەسىرىدىن خىلىتلار تەڭپۇڭلۇقىنىڭ بۇزۇلۇشى ، رەئىس ئەزالار ۋە خادىمىي ئەزالار خىزمىتىنىڭ بور مال بولماسلىقى ، روھىي جەھەتتىن ئۇزۇن مۇددەت جىددىيلىشىش ، ھېرىپ - چارچاش م كەيپىيات تۇراقسىز بولۇش، جىسمانىي ھەرىكەت بىلەن شۇغۇللانماسلىق ، ناچار تۇرمۇش ئادەتلىرى قاتارلىق ئامىللار كەلتۈرۈپ چىقىرىدۇ.msgjan
ئەرلەر جىنسىي ئاجىز لىقىنى ئوزۇقلۇق بىلەن داۋالاش پرىنسىپى ئادەتتە كېسەللىككە ماس كېلىدىغان يېمەكلىكلەرنى ئىستېمال قىلىشقا بۇيرۇش ، داۋالاشقا نىسبەتەن ناچار تەسىر پەيدا قىلىدىغان يېمەكلىكلەرنى ئىستېمال قىلىشتىن چەكلەشتىن ئىبارەت ئىككى تەرەپنى ئۆز ئىچىگە ئالىدۇ. بىمارغا يېمەكلىكلەرنى بۇيرۇشتا ئوزۇقلۇق تەركىبى يۇقىرى ، ئاسان ھەزىم بولىدىغان قۇۋۋەتلىك ۋە يەڭگىل يېمەكلىكلەرنى بۇيرۇش، شۇنىڭ بىلەن بىللە بۇيرۇغان يېمەكلىكلەرنىڭ تۈرلىرى ، شەكلى ۋە ھەر قېتىملىق ئىستېمال قىلىش مىقدارىنى ئېنىق كۆرسىتىپ بېرىش كېرەك . يېمەكلىكلەرنى ئىستېمال قىلىشنى چەكلەشتە بەلغەم ۋە قان خىلىتلىرىنى سۇيۇلدۇرىدىغان ، بەدەنگە ھۆللۈك يەتكۈزۈپ ، مىزاجنى سۇسلاشتۇرىدىغان تۆۋەن ھارارەتلىك يېمەكلىكلەر، چىلىغان ۋە تۇزلۇق ، شۇنداقلا ئۆتكۈر غىدىقلاش ۋە يەل قوزغاش تەسىرى بار يېمەك - ئىچمەكلەردىن پەرھىز تۇتقۇزۇش لازىم . يېمەك - ئىچمەكلەرنى ئۆز ۋاقتىدا ۋە ئىشتىھا بىلەن يېيىش كېرەك . ۋاقتىدا يېيىلگەن ئوزۇقلۇقلارنىڭ بەدەنگە ئۆزلىشىشى ياخشى بولىدۇ . كۈندىلىك غىزالىنىش ۋاقتى 4~3 قېتىم بولۇشى ، ھەر قېتىملىق مىقدارى نورمال بولۇشى ، ئەتىگەندە قۇۋۋەتلىك يېيىش، چۈشتە ياخشى يېيىش، كەچتە ئازراق يېيىشكە ئادەتلىنىش لازىم.
ئەرلەر جىنسىي ئاجىزلىقى ئومۇمىي بەدەن ئاجىز لىقى ۋە كەم ماغدۇرلۇق بىلەن زىچ مۇناسىۋەتلىك . شۇڭا، بىمارلار قۇۋۋەتلىك غىزالارنى كۆپرەك ئىستېمال قىلىش بىلەن بىرگە، مۇۋاپىق چېنىقىشنى بىرلەشتۈرگەندە ئەرلەر جىنسىي ئاجىزلىقىنىڭ ئالدىنى ئالغىلى ۋە داۋالاش مەقسىتىگە يەتكىلى بولىدۇ.
|
